如果想養猫但家人不想應該點同家人說?

養動物係一生一世既事
一定要同家人有共識先可以,
可以係任何情況都唔會遺棄佢先好決定飼養.
因為買左番黎你就係佢遺一既屋企人,
有天竺鼠確係唔識合養貓,因為貓既天性係當老鼠係玩具
如果你買既係細貓,可以由細教佢同天竺鼠相處,但你都要有相當既耐性同愛心
你可以同你家人講你想養貓既原因,
同埋承諾可以盡自己責任照顧猫咪,
因為如果你買左番黎,要家人做多一份拾屎拾尿,我諗佢地都會抗拒
你可以解釋比佢地知,甘樣可以提升你既責任感,又令你可以懂得照顧人
動物仲可以加強屋企既型聚力,
你要比到信心你家人知道你係有能力同責任心照顧隻猫咪,
甘佢地應該會考慮一下~
養動物係一件重大既事,一養就係十幾年,你要有心理確認
養動物都係一件非常美好既事,希望你可以心想事成
希望可以幫到你,建議你買D養貓書番黎睇,一來可以更認識養貓知識,
二來可以比你家人知你係認真既決定,睇完再放係廳多眼處,佢地得閒又可以睇下
可能可以令佢地對養貓有興趣~

2010-06-14 16:29:20 補充：
如果你可以養可以諗下領養,好多比人遺棄既貓仔都好得意GA,你可以上網睇下

以前我家都有隻天竺鼠、後来執左２隻猫ｂ返来養。猫ｂ養響客聴、天竺鼠個籠響我房、基本上猫対天竺鼠有興趣、有時伸隻手入籠摸隻鼠。
你嘅状態我唔推薦養猫、等你大個出来做野有自己嘅楼先養。養猫要洗嘅銭唔同鼠、萬萬声的。家長唔愛猫又点会比銭你同猫仔睇医生。猫仔一開始要打３支針（１支＄２８０ｘ３支分３個月打）、無病好地地、有病３己千走唔甩、３己千係１次嘅睇医生費（多次覆診嘅加起来）。大左又要絶育（＄６００－１０００）。

各用品、籠、猫沙、清潔薬品、猫糧、猫滴薬、毎月基本費用唔計玩具　OR無為野只係食都＄１０００走唔甩。
咪話我現実。。愛猫都要有実力同銭、精神去養先得。除非你好鬼有銭、家人又有時同你睇下ｄ猫・・全家得你一個愛猫你養得好身苦的。想去夜ｄ街、去旅行家人唔願意同你餵猫、你邊度都唔洗去。ｄ猫有病有咩事想人倍你解決嘅無人理你、你都好煩。最大問題係家人成日都話你ｄ猫乜野乜野唔好比圧力你、令你好煩。
養左猫後你発見自己做多好多家務、（清潔地下、清潔猫盤・・各様各様）。

所以如果你係學生嘅話・・・就好好享下福、唔好養猫住、無為做多咁多野要自己身苦～。

放棄吧. 就算貓唔咬天竺鼠, 天竺鼠都會因為有貓存在, 而生活在壓力下. 驚驚又唔走得, 真係好虐待!! 仲會因此而產生壓力病.

咁啦, 等天竺鼠百年歸老 [應該唔會好長命, 一定短命過貓架.] 再提啦. 除非自己搬出去住, 不然唔可以逼家人接受你養貓哦.

我屋企而家都係咁,有2隻倉鼠,2隻貓,
不過我果2隻貓係人地唔養送比我既.
我同屋企人講果2隻貓好慘,又好得意,
我想拎佢地返黎養!
同埋我會好錫佢地,會付責任!
(eg有病要帶貓貓睇醫生,唔會自己掛住玩唔理佢)
唔會令屋企人擔心同覺得麻煩!

因為我細佬就係咁,比隻貓佢養但佢咩都唔理!
d屎好臭又唔執左佢,貓貓冇野食成日叫又唔理,
病左都唔帶佢去睇醫生!
e d行為就會影響到屋企人,
令屋企人唔想見到隻貓,就會覺得你唔理佢

不過你都要諗清楚!
因為養寵物就養1世嫁喇!!@@

希望幫到你啦!

你話得隻鼠，佢會好悶會抑鬱，如果多隻猫就唔同啦，佢一定會同隻鼠玩捉e yan，因為冇猫係唔捉鼠既 ! (爛gag一個)