BB返大陸, 要有咩證件??

你須要先同bb去做特區護照或回港証.

特區護照
http://www.gov.hk/tc/residents/immigration/traveldoc/hksarpassport/localapplication.htm

回港証
http://www.gov.hk/tc/residents/immigration/traveldoc/permit/supportdocument.htm

攞到特區護照或回港証後,就可以帶同以下文件去辦回鄉証.
(特區護照可用來出國同返大陸.申請特區護照同時,已經可以攞埋身份証.回港証只用來返大陸.)

用特區護照申請回鄉証
帶出世紙,身份証,特區護照及父母身份証明文件.

用回港証申請回鄉証
帶出世紙,回港証及父或母身份証及回鄉証.

可以用回港證,

或者港特區護照, 11歲以下小童, 申請護照時, 要連同身份証一併申請, 不過佢地張身份証就無相既...

回港證申請費用平啲, 而且即日有得攞, 最好上網預約左先; 申請護照, 可以郵寄申請, 不過要監護人或家長, 帶同小朋友親身去領取, 但申請時間要等兩個星期.

11歲以下小朋友, 要先有回港證, 或護照, 先可以去中旅社申請回鄉咭.

回港證或護照係出境香港及回港時, 在香港關口使用, 即係好似大人用身份証咁; 回鄉咭係入境大陸時用..

小朋友的回港證同護照都係五年有效, 回鄉咭有三年有效期. 如果你諗住BB都只係返大陸或澳門, 唔會去其他國家, 可以申請回港証, 平啲快啲; 如果諗住BB有機會要去其他國家旅行, 咁就申請護照

bb好似要帶埋出世紙, 幾歲後就唔使帶...