請問底板短響完一聲，五六秒後再短響兩至三聲係點解？

2010-06-14 6:55 pm

✔ 最佳答案

你好：根據個人多年整機經驗，短響一聲同埋短響兩至三聲都係同記憶體有關，因為你都有自己試過一D方法無效，發生呢種狀況另外俾D意見，你可以試吓使用單條RAM來開機睇吓得唔得？另外可以逐條交叉試，睇吓係邊條唔妥？因為唔知你用緊乜野底板同埋用緊乜野RAM（SDRAM ？DDR？DDR1-3）？既然用到三條RAM，表示並非雙管道，個人建議你單條試既時候可以放棄第一條記憶槽（暫時將條RAM插喺第二條槽）睇吓得唔得？你都可以逐條咁樣試，因為個人懷疑有可能你其中某條槽壞咗都唔定（或者係某條槽接觸唔到），另外也有可能係你其中某一條RAM有事或者壞咗都唔定；講到接觸問題，你拆出D記憶體時可以順便用擦膠順方向擦乾淨記憶體既金屬接觸腳（金手指），因為好多記憶體用耐咗D金屬片會氧化令到接觸不良，試吓啦，以上純為個人意見俾版主參考吓。