✔ 最佳答案
其實一句講晒「唔支持」,功能組別既出現,就係官商勾結既直接途徑,專業人士既界別中,永遠都係支持打壓市民對於工商之間既聯系,因為哩班人多數係老細,唔會想因為幫大眾令自己賺少左錢.好似爭取最低工資、每天工作時數等等,老闆一定係反對,經濟效益好直接影響上層收入,低下層只可以出力同出命換血汗錢,除非係唔做架o者,如果唔係貧富懸殊既問題一直都存在.
特首就政改方案既大前提,只係要大家跟住行出一步,之後第二、三、四、五步,就要睇情況而定,但問題在於中央經常改口風,根本有無立法都一樣,阿爺話乜香港就要做乜,完全無做到一國兩制、港人治港.
我地唔要假政制、假民主、假自由,如果支持方案通過,行錯左第一步,無可能轉到彎,真係唔希望七百萬人糊里糊塗咁跟大隊起錨出公海,政制一旦係錯誤,大家只會跌落海浸死.
想當年唔少人都為怕中央攪亂香港,情願移民海外,回歸o個陣亦口口聲聲五十年不變,之但係香港人有眼睇,就係中央攪到香港愈來愈差,拉低香港人生活水平,製造無數問題俾香港處理,我地仲點可以繼續啞忍?如果我地有機會仲唔出聲,怕且再過多個五年、十年,香港人都唔可以再爭取任何自己同福利,分分鐘會講多句都俾人拉去坐監,哩d咪就係中央成日強調既顛覆政權囉!
八九年既六四民運已經死左好多中國維護民權既學生,今次要七百幾條港人既人命陪葬,香港政府又可唔可以承擔哩個後果呢?