✔ 最佳答案
我同屋企人想暑假去北京4-5日
夏天去北京又熱又曬,都幾辛苦,一般去北京行程都係4-5日
有冇酒店平,靚,正??又可以方便食野既??
而家北京乜鬼都貴,所謂方便食野 ge 地方都係貴夾唔低
究竟跟團好定自由行好?
所以你千其唔好自由行,最好都係跟團喇,因為暑假 d 機票又特別貴
我地從未去過北京,自由行會5會好難撘車搵名勝???
如果你未去過就梗加要跟團,因為北京 d 景點好大,分分鐘行錯路搵出口就搵死你兼晒時間,自己搭車???你又唔識路,下下問你有幾多時間先??
我地都係想去D大路既景點~
其實北京大部份 ge 景點都係大路野(D 景點範圍係好大),如果跟團一路都有導遊帶住就唔使驚蕩失路啦
咁有冇咩旅行團好介紹?,又平又抵既??
好多旅行社係暑假都會推出唔同 ge 景點俾你揀,間間旅行都羅 D 行程比較下,你心目中想去邊個景點咪揀個個行程囉!!
記住唔好食街邊 d 野呀,睇下好啦!!搵笨實架!!!
手信???買唔買都罷啦!!!如果你一定要買就記得還價,如果佢開價100蚊人仔你就還價20蚊人仔,佢唔賣就走,唔買你無損失,信我啦唔還價你就聽做水魚俾人tom 格啦!!!!!!!!!!!
暑假玩得開心 d 啦!!! 預祝你旅途愉快!!!!
哎呀!!!溫馨提示 :記得睇下回鄉証有無過期同埋記得帶帽、帶遮、帶水、毛巾仔(抹汗)同太陽眼鏡,仲要著 d 舒適 d ge 鞋,因為行路多過食飯!!!(剩係天安門都已經好大,又無瓦遮頭)