田宮噴罐油去上色滲線應該用什麼油呢

2010-06-16 8:14 pm

✔ 最佳答案

我想問吓如果模型用左田宮噴罐油去上色，滲線應該用什麼油呢？
答：如果你的噴罐係油性既話，咁你滲線最理想係用法瑯油。

唔知你係唔係玩開模型，油基本分三種，水，油同法瑯三種，三種既清洗方法都唔同，油性油要用Mr.Colour Thinner50，法瑯要用thinner X-20又或者用火機油，依點係好基本既野。

唔理你覺得豐富定點都好，如果你底色係油性而滲線又係油性，咁你滲線時出現狀況咁請問你點樣清楚呢？得一個方法，就係該部份拎去洗件。

咩牌子都唔緊要，而且毫無關系，如你所講同牌子同顏色只係顏色既分別，最緊要知道你究竟用緊咩屬性既模型油。依點都搞唔清同油既先後，咁你就要多加努力了。

滲線方法有好幾種，每個人所滲出黎既效果都會好唔同，反別在於你用既牌子，油同天拿水既比例。

旺角有兩間模型專門店，佢地都有一定既知識，你買野時可以問埋佢地既問題。