關於學外語的問題?!!!比d意見我呀 thx

如果你英文很好，幾大都讀法文，會很易上手、很易讀到叻。
如果你英文好屎，唔好揀法文，否則較難有什麼成就。
如果你英文一般、ｏｋ咁，法文也會ｏｋ。
法文我學過的。

韓文我無學過但試過學佢的發音。難過法文。法文的發音就算難，都起碼叫做不易混淆（無論係講定聽）；韓文的我覺得很難聽得出每個音的分別，到聽得出時又講不出咁仔細的分別；簡單來說就是太接易、易混淆。

不過，發音只是一個語言的其中一個小部份。就算發音不好，其他野可以搭救的；阿婆講鄉音廣東話我地咪一樣聽得明。

文字來說，法文很多字很像英文，唔駛學都估得到，於是你不需要逐個字全部學晒先睇得明文章。可能學一年半年你已大致上能看報紙。相反，你都見，韓文全部字你都要學。有些字佢發音像中文的，可能可以靠估，但以我學日文的經驗，似中文無用的，中文很多同音字近音字，我鬼知你似邊個。台山話客家話之類夠似廣東話，又唔見我識聽 :(

樓上提到學韓文多資源，無錯是一個因素。我唔知韓文有幾多學習資源，但佢係一個新流行的語言，我估法文資源會更多，因為全世界一向都流行學法文。以我在圖書館和書店所見，最流行果幾個外語都夠資源有凸的，唔駛擔心。

餘下文法方面，個個語言總各有各難，我覺得不是關鍵因素。咁岩你遇著一本好書、一個好老師，解得你明，就乜問題都無了。

以上講咁多野，我覺得最重要考慮還是：你英文好不好。

呢個係咪你除左廣、英、普之外既第四種語言?
如果唔係既咁就要睇下你另外仲學左d咩，如果係既，其實兩種都差唔多，你可以視乎你既興趣決定。

至於邊種難學d，應該就會係法文。
因為韓文只要一睇個d你就讀得出，而且句型相對黎講簡單d；
法文首先發音比較難，有d音你真係要練多幾次先讀得出，而且d詞語又分陰性又分陽性，陰陽唔同d字又唔同串法...睇見都驚@@

不過你都唔駛咁急決定呀，宜家就黎暑假，其實你可以睇下各大院校既暑期班，短暫咁體驗一下兩種語言，睇下自己對邊個比較有興趣，又或者係比較易理解，比較過後先決定學邊種咁我覺得會比較好~

我讀緊個間有好多語言課程，你可以睇睇當參考下~
www.streamwisdom.com

我想問下如果想學多種語言的話學韓文定法文好????

朋友﹐這要看您想學多少種外文。若果是三種應該學日文。若果是十種兩樣都很難不選﹐除非您喜歡挑戰人類極限。

就韓文和法文比較﹐我建議您學韓文。因為

1 韓文有較多教材。

2 就時式(tense)來說﹐韓文的動詞是規則的﹐除了有些音變現像。

3 韓文有很多漢字﹐比較容易上手。

2010-06-19 15:20:41 補充：
請參考我另一題回答:

http://hk.knowledge.yahoo.com/question/question?qid=7010061900447