無醫生紙但請病假會唔會當我曠工?

你有請假就唔會算係曠工，你盡快去睇醫生，問醫生寫張看病證明啦，隨時會有多兩日工傷假。睇跌打中醫都可以問醫師攞就診證明嘅，不過你要特別留心那跌打醫師一定要係註冊中醫，簽嘅就診證明、受傷須休息證明至會有效。

你在工作地方受傷，僱主有責任要為你向勞工處報工傷，報工傷是須要註冊中/西醫簽署嘅受傷證明(就診證明)，同埋要記錄受傷過程。

如果你無醫生紙僱主就唔夠資料同你報工傷，你請嗰半日假就唔會算作工傷假或病假，會係無薪事假或扣你半天有薪年假。僱主有責任心嘅會即刻搵人押你再去睇醫生攞受傷證明繼續同你報工傷。無責任心就除咗扣返你半天假就當無事發生過。

你自己放棄報工傷是非常愚蠢的事，會失去工傷期間的職業保障，也就是僱主仍可以用一般方法解僱你，而你扭傷的醫療費用會因你主動要求不須報工傷而只能自己支付了。

1. 無醫生紙就一定不屬於病假。
2. 如果當天有打電話但無假紙，公司只可以當你請無薪假
3. 如果當天無打電話番公司請假，咁就會當你曠工仲可以俾張警告信你嘆吓

睇跌打冇醫生紙過噃，咁你又唔睇醫生，冇醫生紙佢有權懷疑你唔係病，當然係可以當你曠工炒你啦．

不過你既然扭親隻腳，不妨問跌打攞張收據，証明你有睇跌打，但係佢可能扣你半日人工囉，好過炒呀．