恆生e-banking上網過卡數問題

如果過數的銀行與信用卡是同一間銀行，一般係due date過數是可以即日生效的(需查詢銀行e-banking或ATM過數是有截數時間，例如截數時間為下午8時，8時後過的數就會當作下一天)。

若過數的銀行與信用卡不是同一間銀行，例如用A銀行e-banking交B銀行信用卡數，就不能即日過數，因為不同銀行間的款項過帳是要經過結算交收的，正常需要一至二個工作天，如果即日才過數就會遲左，咁就要俾息，所以最好預早兩個工作天過數就無問題喇。

咁就要睇你過數時間啦,一般係晚上七時前過數,第二日銀行到會收到款項,但過了七時後一般都會當你第二日入數(包括PPS),以我印象當中大新用現金存款機找卡數,銀行即時收到,信用額即入即用,而東亞,恒生和滙豐用現金存款機找卡數,须要晚上七時前入數,第二天銀行就會收到,其實找卡數未必要係DUEＤＡＴＥ找數的，假如能在月結單截數前找清卡數，又何須理會幾時到期呢？

到期日由savings過數到card户口冇問題, 第二日log in 睇仍然見筆數未清唔怕, 第三日一定清.
至於點解, 我都唔明.