搵一d係可以激勵人心的歌曲

由於你無指明要幾多首歌曲以及語言，那我就列出我最愛的10首!

1. Heal the world　長度: 6:25 (專輯版) 4:31 (單曲版)
呢首係我最喜歡既歌曲！就係因為呢歌令我鍾意左MJ! 佢演繹呢首歌真係一流，
歌詞又好正面！我一級推介! MJ在生時都講過, 呢首係佢最自豪既作品! 我相信好多人第一次聽都會佢優美既節奏而吸引.

2. 願望就是明天 長度: 3:45
呢首係羅文唱，當我遇到錯敗既時候間唔中會聽！同埋都算係一首好經典既歌曲！無論任何時候聽都好好掂！

3. 陽光路上　長度: 4:24
呢首歌係黎瑞恩咁多歌之中，我最喜歡既一首。當我唔開心既時候都會聽！我仲記得我會考既時候都日日聽呢首歌，因為呢首歌曲好似有種好特別既魔力咁，令我好有動力去溫書！

4. 生命有價 長度: 3:51
呢一首我相信好多人都聽過,同埋呢首歌無端旋律同歌詞都好好! 我相信好多人細個既時候都聽過呢首歌. 我細個都已經對呢首歌好深印象, 但係未太領悟到歌詞既意思, 但係長大後, 可能我人生既經歷多左, 呢首歌比我既感覺愈黎愈大, 我仲記得有次出左成績表之後, 由於名次不理想, 令我真係好灰, 但係聽左呢首歌之後, 我開心有番小小氣息! 所以, 千萬唔好睇佢係兒歌而忽略左佢, 我覺得絕對適合任何年齡既人聽!

5. 莫再悲 長度: 3:31
一直我都唔知有呢歌曲, 直到有日我阿Sir 勉勵我要努力讀書, 佢話:「其實你可以選擇一首你認為最勵志既歌曲, 愛情歌就唔好啦, 去鼓勵你自己去努力讀書, 即使溫得再辛苦都好, 如果有首歌陪伴住你, 應該可以令你即時到達最佳狀況! 我自己讀書果個時代好輕一首歌-- 莫再悲. 歌詞好有意思!」咁聽完佢咁講之後,我就放學拎住我阿媽之前買落既陳百強CD黎聽, 歌詞真係好有意思, 我最深印係果句: 人生總會 碰著悲哀苦惱為何流淚

6. 強 長度: 3:40
我相信好多人都聽過郭富城唱既呢首「強」. 同埋都係好有意思既一首歌, 我仲記得小學果下, 音樂都聽日唱. 聽落去果下, 感覺上好似郭富城親口同你講加油咁.
(無聊一講: 我記得之前細個睇小丸子, 小丸子個姐姐都唱過呢首歌)

7. 學警雄心主題曲 - 勇氣 長度: 3:34
雖然呢首算係新新地 (不過都年前), 同埋係比較新既人唱. 不過如果單睇歌詞有意義既程度, 真係高得很. 簡直成句歌每一句歌詞都係鼓勵緊人. 大意係叫人唔好放棄, 只要有信心, 每一個難關都可以闖破!

8. 喝采 長度: 3:34
呢首係陳百強其中一首歌! 都係一首好激勵人心既歌曲. 當你遇上任何唔開心既時候 (例如失戀, 失學, 失工), 我仲覺得呢首歌絕對岩你聽, 正如歌詞當中一句: 快快走上歡笑的跑道! 而佢第一句: 路上我願給你輕輕扶 就可以令你聯想到有朋友係你有困難既時候, 出手幫助到既情景!

9. 在晴朗的天空下 長度: 6:13
我估都應該好多人都聽過, 我記得之前聽呢首歌都聽到好瘋狂 (點解首歌咁長? 最後果到係"啦泣啦啦啦啦"黎.. 不過我都好推薦聽下呢首, 同埋佢中間有段, 有兩個版本, 一個係會考,一個係人生, 呢段我都好難忘:

讀白（會考篇）：
會考了，有同學問：麥Sir，會考的貼示到底係邊度呢？
我覺得與其問，倒不如去學，
學下不在乎成績高低，只在乎問心無愧，
用心去讀，用心去考，堅持到底，永不放棄，
相信自己，繼續奮鬥，總有一日，你會發現，最佳的成績已經係你心裡面。

讀白（人生篇）：
有人問，幸福到底係邊度？
我覺得與其去問，倒不如去學，
學下不求擁有得多，但求計較得少。
用心去愛，用心去付出，愛你身邊既人，愛呢個世界，
總有一日，你會發現，原來幸福已經係你既心裡面。

10. 朋友 長度：4:42
最後一首就係"朋友", 唔知呢首算唔算激勵人志呢?? 嘻嘻, 我都唔係好知. 只係覺得好有意思. 我記得有一次同一個朋友鬧左交 (係我嬲佢, 佢無嬲我), 咁之後我就好無意咁開左呢首歌黎聽, 聽完之後唔知點解好似原諒左個朋友咁! 好神奇既力量, 令我最難忘果句係: 替我解開心中的孤單是誰明白我!!

最後, 當然仲好多勵志歌啦! 例如Beyond既歌, 不過我見到你打海闊天空, 對Beyond既認識應該都好大, 所以唔打Beyond既歌了. 其實以上內容都係比較主觀, 可能你未必岩, 不過我都盡量選擇了大眾都認為係好聽同埋有意思既歌!