Yahoo拍賣貨不對辦投訴

之前係yahoo拍賣其中一位賣家睇中一條$178的裙,冇幾耐俾人bid o左
於是用email問賣家size,賣家答完我覺得適合,於是佢開個新的link俾我bid
不過交收完先發現貨不對辦,size完全唔係email講o既
同賣家講返
佢先發現出錯
佢話可以換貨,叫我等幾日佢上新貨睇佢其他貨品
我係有心換貨o架
不過等o左幾日我睇完覺得唔o岩想退錢
賣家用"抱歉~ 小本經營~ 實在負擔不了退款~ 請見諒"回答
其實我都唔係太開心
見賣家唔係退返
之後我就suggest不如我睇中其他賣家o既貨
叫呢個賣家幫我訂返
最後我揀o左件低過$178的tee,值$125
想要求賣家退返$53差額
賣家都唔肯
我覺得好似俾人呃o左去買o野咁

於是,send o左個投訴俾yahoo
yahoo只係send返一段o野俾我

"多謝您的查詢，很抱歉得悉您於交易上出現問題。我們現正嘗試聯絡被投訴的用戶，要求對方作出回應，請耐心等候。如果您發現有欺詐或違法行為，可聯絡香港警
務處提供協助。若我們收到警方要求提供協助，我們會盡量配合。

多謝您與我們報告這問題，因為有使用者的配合與協助，使得Yahoo!拍賣能夠提供更安全、更方便的服務。

雅虎香港拍賣客戶服務部"

之後我再回yahoo

"唔好意思呀
想問如果賣家冇寫明唔可以退款咁我有權要求退款?
另外整件事上我是受害者
賣家錯誤的描述才令我買錯貨品
而且我也多次讓步
改換另一件衣服...但因為款式不合才要求退款
之後又讓步揀其他賣家的貨品讓這賣家幫我訂購
最後揀了一件價格較低,只想希望她退回差額
我唔係唔幫襯佢買

我想知道我有冇權要求退款?
另外佢冇寫明唔可以退款.佢出錯佢還有權唔退款嗎?
我只係想清楚拍賣場呢個規則
再同對方溝通

我都唔想令到大家難做
我都未試過係拍賣場買東西搞到咁唔開心
我自己都係賣家
一來都想求清楚
二來如果個個賣家對自己賣的貨品不熟識,收o左錢就好似可以控制買家follow佢o既要求做
我覺得咁好唔公平~除非佢有寫清楚,咁買o左都心甘命抵"

yahoo都係叫我自己contact賣家
咁我就再主動contact賣家,等o左日又唔見佢reply
再問yahoo

"我已經係星期六主動聯絡賣家
不過到現在為止仍未等到她的reply
我每天也有update她的拍賣場
看看有沒有新的貨品update
讓我可以買她的貨品而不用代為訂購或補錢
好讓事件平息
不過只是見到她重上貨品但沒有reply我的msg
(我是在留評語的地方留msg,因為怕賣家說收不到email而不reply)
由知道她對拍賣品的描述出錯開始
我已處處作出讓步
1. 她承認是她出錯而可換貨,並叫我等幾日後上新貨看看,於是我等了數天,我是有心貨換貨而不是只說退錢的
2. 等了多天後再看發現貨品真的不合適,我才要求退錢,賣家不肯...我再作出讓步說在網上找其他我有興趣的貨品代為訂購
3.
終於找到了合適的,不過比原來價錢便宜多$53,想補返差額,我已盡力去找了,也覺得我這樣也是同樣有幫她買東西,賣家又說不可以,可能她覺得這樣令她少
賺了
其實我一直也不想給她留中性或負面的評語,見她的店是新開的,評語很重要,我自己也是賣家,我也很重視信譽,不過最後我真的很失望,而且很不開心
在拍賣場買了很多次東西也未曾發生這些事情,實在覺得很無辜,不是我的錯,但失去了金錢的同時也換來不公平的對待
這幾天我也不斷在網上找一些貨品是$178左右的...我也繼續努力去fit她的requirement
(我也不明白錯不在我但仍然要fit她的requirement)
我只是想息事寧人
但賣家這樣的處事方式跟態度,在拍賣場真的會令很多買家吃虧
我希望yahoo可以給我一點idea而不是再copy一段formal的文章要我再跟賣家溝通
並希望可跟進此事"

yahoo又send另一段俾我

"多謝您再次來信。關於您的詢問有關退款問題，我們建議您可主動與對方詳細了解及商討有關問題，通常糾紛都是由於賣買雙方不了解所致。請嘗試再次與對方聯絡
解決有關問題。而我們亦會對您所提供的資料保留在案，日後如發現有任何違規情況時，將會給予適當的處分。

多謝您與我們報告這問題，因為有使用者的配合與協助，使得Yahoo!拍賣能夠提供更安全、更方便的服務。

雅虎香港拍賣客戶服務部"

咁我可以點呀
請問我可以爭取返嗎?
我想問賣家冇寫明唔可以退款咁我有權要求退款ma?
如果賣家一直唔reply,yahoo又繼續不理,我可以去消委會投訴ma?
我覺得而家唔係退錢的問題,而係如果個個賣家都係咁而yahoo都置之不理,咁好唔公平呀!!!