家姐,我至係你個妹呀

家姐中四五開始,就識左個比佢細幾年既師妹,由果時開始,我先知道佢原來都有作為家姐應有既風範同態度...係對住佢師妹既時候
師妹唔開心,家姐會陪住佢成日,行唔開既都一直同佢講住電話,不停叫佢唔好做傻事
舊年,佢師妹去working holiday,唔夠錢用,家姐都未等人地開聲,就匯左一筆錢俾佢洗
今年年初,佢師妹話鍾意左一個人,家姐睇左個男人既相,覺得佢成個壞人咁,就好擔心佢師妹會俾人呃,又叫佢師妹帶個男人出黎,3個一齊食下飯,睇清楚佢個人先
問題係,佢師妹只係暗戀人,又唔係真係拍拖,使乜咁緊張呀?你當自己真係佢家姐?
而家佢師妹又話要一個人搬出黎住,家姐話佢師妹唔係咁識照顧自己,所以頭3個月佢會搬埋過去住!
咁即係點?舊年我夠要返大陸exhange一個月啦,你有冇黎送我機,接我機呀?我o係大陸果一個月,你有冇打過電話俾我呀?點解人地去半年澳洲,你就一星期2個電話?
佢師妹o係屋企都係家姐黎,佢可能明白我感受啦,有次我聽到佢同家姐講:「你對你個妹好d啦...你唔好唔理佢啦...雖然我好想真係做你細妹,但始終同你有血緣關係既都係佢」
連人地都知道發生咩事,但家姐都仲係對我漠不關心...我真係唔知點解!
佢又唔似係只對街外人好,對屋企人唔好果d人,因為佢好孝順父母,對親戚都好好,又識逗d表弟表妹開心,個個長輩都好鍾意佢...佢只係對我特別唔好
點解我地會搞成咁?就算我真係串左少少,唔通佢師妹又唔串咩?佢師妹平時講野都係串串貢果d人,幾冇道理既說話都可以俾佢拗返生,又唔見佢因為咁憎左佢師妹?