貓bb成日喵喵叫 仲有點先可以令到餵奶果時唔整dirty

不要灰心、不要放棄

貓貓是如何得來的？
牠叫是因為貓貓要找媽媽呢
貓BB是要啜媽媽肚腩的

而且如果只有貓bb一個的
你有沒有湊貓BB 的經驗
有很多地方是要小心注意的
貓B有沒有杜蟲、杜蚤、沖涼
大、小便是否正常
有沒有飲足夠的水份
會否有脫水跡象
體溫是否正常
最近天氣早晚不穩定
有否為貓B做保暖
貓貓吃甚麼牌子的奶
有沒有營養不良的情況出現

如果你想餵貓bb時不會太污糟的話
可以先用一條長的毛巾包住貓貓頭以下的身體及四肢
當然唔好屈到貓bb的手仔啦
你要用一隻手捉緊毛巾
但唔係揸緊貓 bb 喎
然後再慢慢咁比奶佢飲
過程中貓bb可能會掙扎的
如果手仔伸左出黎的話唔緊要....再包過囉
飲得好污糟的話最好用濕小小的毛巾仔幫貓貓抹
幫貓bb開一條專用的手巾仔黎抹咀同身

如你在家時因要抱貓 BB 而沒有手做家務
我有一個好方法
先著上一件T-恤 再套上一個有吊帶的大碼Bar Top
將貓BB小心放入心口
留意Bar Top底部會否過鬆而跌了貓BB出來
好快貓BB會因為你的心跳聲而感到安全
不會亂叫
有沒有幫貓BB剪指甲仔
要記得唷不然會抓痛你的

還有一點很重要的
貓bb的奶粉一份奶你開幾多份水？
最好係開一份奶比一份半水
奶太濃的話貓bb會消化唔到的
會好容易出現脫水同便秘的情況
就算直接比盒裝貓奶佢飲
都要一比一份水咁開比貓貓飲
確保貓bb的水份充足


如貓BB有任何突發的緊急問題可隨時致電給我 6302-8898

猫ｂ多大啦？有１個月可以試湿糧阿（ｄ日本缶頭）、有無牙阿？未有牙＝２－３週大。
猫ｂ係好煩好多声気又成日大大叫嘅生物、你要習慣阿、要有耐性和耐心、有時養猫就係咁要好有忍耐力。
因為猫唔同狗仲意叫就叫、唔到你管。
ｂｂ細個你就比多ｄ時間倍下ｂｂ、抱多ｄ。大左都痴你多ｄ。

餵奶就成日都好心急咁飲係隻隻猫ｂ都会嘅。。好似１０日無食野咁。我諗係正常嘅。。

「要不停搵紙巾整返好佢
好麻煩 到底點先可以整到無敢dirty??」
＝你講出好麻煩就代表你未完全有心理準備養好猫ｂ啦。。。猫ｂ（基本上所有動物嘅ｂｂ都好鬼麻煩、有時要耐心唔好厳煩先得、你比奶時奶瓶微微拓高水平線上、咁猫ｂ就飲得容易。
比奶前用布周住頸・・但老實講猫ｂ大得好快架。。好快就唔需要飲奶、你就忍多一陣、等猫ｂ再大ｄ你咪無咁身苦囉。

你比咩奶佢呀,人飲嘅鮮奶或任何奶都唔可以比貓飲架,因為據專家指出,貓其實係唔適合飲奶,會對內臟唔好架,所以貓BB根本係唔駛飲奶,除咗貓媽媽之外.
市面有好多款幼貓糧,你買比佢食就得架啦,我就係買日本嘅ROYAL CANIN,因為我問過好多間竉物店,都一致話呢隻貓糧對貓健康好好,而且日後佢長大後啲內臟都唔會有事,所以佢由細到大我都係餵比佢食.
如果你朝早有時間,就煑熱啲水,用熱水浸淋啲幼貓糧比佢食,咁佢啲牙仔容易啲食,你又可以買啲貓魚罐頭比佢,因為你得一隻貓,建議你買隻純罐,一個保鮮盒,好細好細果隻,開一罐純罐,分六份,每餐比一份佢食,咁可以食三日,保鮮盒就放喺雪櫃,咁一日都係食你二蚊.
其實貓BB初初嚟你屋企好怕陌生,又嗲,又黐身,始終佢係BB嚟架嘛,所以我初初都盡量陪佢,一放工立即返屋企,又買蛋玩具比佢玩,又毛棒,又雞毛掃,又乜又物,總之佢開心時我就開心,佢仲好為食,我食嘅百力滋,態仔餅,豬肉乾,我都要食,但係過咗一歲,你會漸漸發覺佢完全對呢啲零食冇哂興趣,而對你嘅依賴都冇埋,唔再鐘意同你瞓,唔再鐘意比你抱,對玩具冇哂興趣.
貓BB好扭眼瞓,食飽就會瞓,你千其米比佢食晚餐後就瞓,唔係佢瞓醒半夜就會揾啲掉唔爛嘅嘢掉落地叫醒你,要你陪佢,所以你都係狠心啲搖醒佢.
一日都係餵佢食兩餐就夠架啦,就係朝早同夜晚,預備食水同沙盤比佢,咁你就可以放心留佢喺屋企架啦.
記得有時用漂白水消毒吓屋企同佢嘅沙盤呀.

你離開佢果陣,用塊沾有你氣味的薄毛巾蓋住他(身及頭) 牠就唔會勁喵喵叫...