✔ 最佳答案
其實你個情況好麻煩, 財務公司或銀行批貸款時係評估你同你朋友既還款能力而批, 而唔係朋友A。對佢地來講, 無論發生咩事都會唔容許你將債務轉移到另一個人身上。你唯一可以做就係同朋友A講清楚, 要佢準時還錢比你地, 否則嚴重影響你地既信貸記錄, 到時將來自己真係要借 (例如按揭) 就有困難。你依然可以叫佢簽番借據, 但係老實講, 你朋友既誠信度唔高, 簽左都可以唔認。建議你, 如果同依個朋友感情唔深, 就做得絕D, 例如要佢簽一張附有身份證副本既借據, 又或者直頭開門見山, 話如果真係再遲還, 會同佢屋企人講 (你知佢屋企電話同地址嗎?), 比個阻嚇性佢, 唔係佢就一樣次次遲。
2010-06-07 14:23:26 補充:
唔係好清楚你朋友既背景 (係正常家庭, 定一話都係唔係好負責, 好窮, 好無賴), 所以唔知佢屋企人係扯貓尾, 定真係咁正義, 好難講。但common sense來講, 如果afford得到, 一個正常人係應該對於自己仔女做d咁既野非常唔好意思, 會想辦法還左比人先。anyway 你當然任何情況下都唔可以用暴力, 到時有咩事佢告番你轉頭仲麻煩! 記得你話, 佢唔係唔還, 不過成日都遲, 咁即係有還但唔準時。
2010-06-07 14:23:41 補充:
如果係咁, 唔知道你可唔可以比屋企人知, 如果可以的話, 而數目又afford得到, 我其實建議你同你屋企商量, 借住屋企人錢清左條數先, 免得自己個個月比人追數, 影響自己生活同信貸記錄, 但你唔需要同朋友A講你已經清左條數。最多比屋企人話兩句, 唔帶眼識朋友。理論上你提早清還應該可以退番d息, 你唔需要退番息比你個朋友A, 繼續每個月追佢還錢, 變相係你借錢比佢收佢息, 到時D息你比番屋企人, 定係自己袋, 到時先算, 最緊要唔好影響自己。但如果你話你驚佢連錢都唔還, 咁就真係麻煩。
2010-06-07 14:23:46 補充:
不過我覺得最重要係而家要你朋友同你簽番張借據, 影印埋身份證, 連同當時你幫佢借錢果份合約副本, 當做一份記錄, 然後請楚同佢講, 先小人, 後君子, 再唔準時還錢, 或者唔還錢, 入信去小額錢債度告佢!