✔ 最佳答案
This website can help u:
http://www.welcome2japan.hk/
以下係一般日本自由行旅客問答,HOpe I can help u LA!!
1) 5-6月算是旅遊淡季嗎？機票大概多少錢呢？
算係淡季, 不過一般黎講買自由行 package 會平過淨買機票
東京 Package 的話 3日2夜應該 HKD3000 左右,
如果要留再兩晚, 跟 PACKAGE 延長住宿預返HKD500一晚左右,
又或者可以上 jalan.net 自己再訂酒店都得
2) 聽說日本要收商品稅，那是會買東西時連帶要付的嗎？
日本有 5% 的消費稅, 即係如果件野賣 100yen 你就要比 105yen
以往商品價錢後面寫住"税込"即係已連税, "税抜き"即係未連税
不過現在日本法例規定, 價錢牌必須標示為含税價錢, 所以買野時見到佢標幾錢就比幾多錢~
大型店的話遊客可以退稅, 好似係要填 FORM 之類 ^^;; 我未試過唔太清楚
3) 聽說行李超過某個重量時要另加收費？
一般航空公司重量限制(寄艙行李)為 20~22kg, 你買機票時問清楚會好 d
如果兩個人一齊 check in 的話會計總數, 假設限重為每人 20kg
兩個各自的行李為 17kg 同 22kg, 雖然有一個人過左 20kg, 但係加埋未 over 40kg 佢都唔會當你超重
(少少 tips: 如果真係過重, 可以試下睇睇有冇乘客少行李的主重去問下對方可以唔以同你一齊 check in, 平衡返個重量)
4) 整個行程中，來回機票、住宿、車費、購物費、飲食費，還有什麼費用要付呢？本人很怕到時又要交什麼雜費稅項…
基本上冇, 最多就留意一下去的地方有冇邊 d 要收入場費咁啦
仲有就係如果你唸住在機場買免稅煙/酒之類
留意返香港入境有限額的, 一個只可以帶唔超過 60枝(3包)煙同1公升以下的酒
5) 住宿方面，我和友人打算住民宿池袋之家，池袋之家的評價如何呢？還有其他更便宜和更舒適的民宿推介呢？
呢個我冇住過, 答你唔到 ^^; sorry
6) 到日本東京有什麼景點是一定要去的呢？
其實我又覺得冇話邊 d 係一定要去
最主要睇返你想去做 d 乜
唔買名牌貴野的話, 銀座之類可以唔洗去
想買下 d 潮流野 / 精品就原宿竹下通, 買衫就渋谷新宿
電器玩具就秋葉原池袋
懷舊野就下北澤
休閒 d ge 可以去下吉祥寺果邊
食海鮮就去築地 (星期三、日休市)
想玩就可以去埋廸士尼
7) 總計整個行程，我們應該帶多少錢去呢？每人一萬港幣夠不夠呢？
如果唔係點買野一萬一定夠有突, 我幾年前去東京 7 日連機票都係淨多11000左右,
簡約咁計, 如果只係東京內地區車費一日最多都係1000yen
食野, 早午晚各 1000yen, 一日必須洗費大約 4000yen
5日就 20000yen, 大約係 HKD1600
之後再加埋住宿同睇下你要點買野啦
8) 聽說日本的車費很貴？
東京的話地鐵 / JR 大約都係 190~260yen
唔太建議買 SUICA(JR) / PASUMO(地鐵) - 即係八達通
坐車唔會有平, 最多時係唔洗次次買飛...
不過 JR 同地鐵唔通用
買飛果時先睇左路線要幾錢之後買果個價錢的飛
舊式售票機先入錢再按價錢, 新式 ge 入錢先或者按價錢先都得
的士的話就真係比較貴了, 東京的士起錶710yen, 頭兩公里後每 288m 跳 90yen
不過應該都冇乜必要坐的士的了....
9) 在日本有什麼特別事要注意？有什麼禮儀或規距一定要遵守呢？
禮儀規距, 注意返一般禮服就 ok 了
要留意的係香港電梯左行右企, 東京就相反 ge, 企左邊
(其實呢一點日本國內唔同城市都唔同 ^^;; 去到時留意一下前面 d 人企邊一邊啦)
仲有就係快餐店之類, 香港食完就閃人, 日本多數都係自己收拾埋的
至於要注意的... 唔好唸住英文行得通....
有時就算你同英文問佢, 唔理你聽唔聽得明佢都照用日文答你
旅遊書 d 地圖唔夠詳細, 最好去到之後自己買返本地圖,
仲有過馬路小心 d ...
(車)紅燈果時直去果 d 車要停但係轉彎可以照轉
即係就算你綠燈過馬路, 都可以有架車在小路轉過黎...
基本上開車果 d 人都會睇住你 ge, 不過自己都要小心 d
呢一點唔止日本, 外國好多地方都係咁
另外, 你話未出過國就講埋少少要留意的野
1) passport 最少要有 6個月有效期
2) 機場有出入境稅, 買機票果時會比埋, 不過佢標果個價係未連稅的, 所以你睇價錢預返要 +500 左右
3) 記得最少要預早 2 個鐘去機場
一般起飛前30分鐘就唔比上機的了
你仲要預時間 check in 同行去登機閘
4) 日本電壓同香港唔同係 110v 兩腳插頭, 電器方面留意插頭寫住 110~240v的話可以加轉直接用
