偷竊案及案件處理及薪金問題 急問!! 教下我點做!!!(長)

1.)其實呢單案件係咪已經完左? 定未完?
唔知，你要問警方

但係就算告你，覺得無咩可能入你罪
刑事案入罪標準係排除一切合理疑點(prove beyond reasonable doubt)，而你單案太多疑點：
a. 點存貨只有L小姐，就算唔講佢有任何不當企圖而報錯數，亦不能排除佢點錯既可能性
b. 唔見到30件貨品，又係得佢講
c. 完全無證據係你偷—唔可以係個d客或其他人偷架咩？
d. 佢依家唔肯出糧，說明有可能佢有財政困難想借故抄你。

2.)咁我而家應該點做? 打唔到電話,係咪要親身出警署問?
再打電話問多次，或親身出警署問

3.)我係咪應該唔好等單案完,直接問L小姐出糧,佢唔肯出就可以告佢?
當然

盜竊案同出糧係兩回事，唔可以話你偷野或單案查緊就唔出糧，勞工法例並唔承認此等籍口

4.)如果我而家搵工,洗唔洗同對方講我而家牽涉係單案件中?
唔洗

除非你上完庭俾法官判你有罪，否則無需提起
香港沿用普通法，基於無罪假定 (presumption of innocence)，在控方證明你偷竊和法官判你有罪前，你會被假定為無罪

5.)承上,唔講會唔會犯法?
唔會

如果判左你有罪，唔講先會犯法

2010-06-08 14:28:55 補充：
現時很多僱主會要求申請人: 一係簽署確認無犯罪紀錄，一係簽署一封同意書, 授權僱主向香港警務處之刑事記錄科查證該申請人有否刑事記錄。

我指既唔講，係填無犯罪紀錄填無案底

如果有案底又填無，就會犯下行使假文件罪

如果僱主無問，唔講唔等同行使假文件
如果僱主口頭上問，講自己無案底係講大話但唔係行使假文件
如果僱主要求簽署確認無犯罪紀錄，講自己無案底就係行使假文件

1. 差人夠料就做野- 拉人兼立功, 唔會留手.

2. 承接上題, 你大可放鬆自己, 因為夠料佢地會緊張過你....

3. 如果你老世炒你又唔同, 一定要補番一個月糧俾你. 佢無理由將刑事案; 同勞工例一併而談....詳情向勞工處查詢, 打1823問

4. 唔洗, 查緊, 而你又肯定自己無做, 點解仲要掛响心度.

5. 唔會, 未上court; 未判...所有人都係清白既!

如果被判有罪,但係唔講,等唔等同「虛報」?
或者係咩情況下先叫做「虛報」?

Kenzzz_ch 答得很好

但有一事請教

最後一點提及 唔講會犯法 是真的嗎?

應該係 虛報先犯法吧?

1.)其實呢單案件係咪已經完左? 定未完?
及 2.)咁我而家應該點做? 打唔到電話,係咪要親身出警署問?

建議你帶埋個ref. no.親身去警署嘞
(打電話冇咩用~佢哋未必會口頭答你, 就算答咗你, 你都冇"書面"証明)
* 申請攞番單case嘅"書面"進展/結果、口供副本.
------------------------------------------------------------------------------------
3.)我係咪應該唔好等單案完,直接問L小姐出糧,佢唔肯出就可以告佢?

你話: "基於已過7日都未出糧,我就打電話畀L小姐問佢幾時出糧畀我...
L小姐指案件仍然查緊,未完,要等查完先再"上堂"..."

基本上, L小姐係唔可以因為呢啲原因而超過7日唔出糧畀你嘅.
建議你儘快去你公司所屬地區嘅勞工處勞資關係科開file*,
如果最後L小姐都唔出糧的話, 你就要入稟法庭(民事)追糧.
只不過, 由於你呢個僱傭關係嘅結束牽涉到"所謂"刑事成份,
去到民事法庭, 個官亦會有機會將件案押後,
要等埋你單所謂嘅"刑事案"完結先至會去處理你嘅民事案.
但係你就可以同個官要求L小姐先將欠薪交到法庭暫存**,
直至你嘅民事案有結果為止.

*只要你有喺勞工處開file同埋有做齊有關程序,
萬一L小姐公司結業/失踪, 你都會有個保障.
**筆錢放喺法庭, 好過放喺L小姐度, 係咪?
------------------------------------------------------------------------------------
4.)如果我而家搵工,洗唔洗同對方講我而家牽涉係單案件中?
你一日未定罪, 都毋須要講吖;
更何況, 邊有僱主會請"有案在身"嘅人㗎?
------------------------------------------------------------------------------------
5.)承上,唔講會唔會犯法?
個人認為, 你一日未定罪, 唔講都唔算犯法.
就算你係被定罪, 都要視乎你見工時, 個僱主有冇問過你, 又或者要求過你一定唔可以有犯罪紀錄囉, 如果冇嘅話, 唔講都唔算犯法嘛~

除非你已經被法庭定咗有罪,
而新僱主請你嗰陣係有問你係唔係曾干犯法律而被定罪,
又或者份工喺特別要求你係要聲明你係冇犯罪紀錄,
而你話"冇"的話,
算唔算係犯"詐騙"呢? 呢個就要視乎實際情況而定~
但係佢就可以因為咁而即時解僱囉.