第一次租房,想問有關租套房ge野

1.租套房不需交管理費,印花稅,你又唔係業主,又唔係買樓.

2.套房通常有獨立的水及電錶,係業主自己每個月會抄錶,咁租房嘅時候,你要問清楚佢水幾多錢一度,電幾多錢一度,咁立租約嘅時候,記住抄低當時嘅水及電錶嘅度數,到一個月後,佢比張租單交租時,佢會寫明抄錶度數,你自己都可以對吓個錶度數,咁咪知幾多錢,佢有冇計多你囉,同樣,退租都係抄錶交錢.

3.水電當然係業主架啦,但係電話費單,銀行月結單,上網費單,總有樣你會有卦.
煤氣你唔駛諗啦,多數套房都係舊樓嚟嘅,係冇煤氣嘅,係用石油氣嘅,咁你要自己落樓下揾石油氣公司登記住址交石油氣樽按金同價錢,咁佢就會送上樓比你,等你退租,你自己去石油氣公司要求退回石油氣樽,咁佢就會比番按金你.

租套房記得租有窗嘅,冇窗嘅到潮濕就會成個人瞓到好攰,空氣亦唔好,當然有窗嘅就緊係貴啲啦,有啲係業主新買番嚟新裝修,咁佢立租就會貴好多,你自己諗吓值唔值啦.
最緊要租套房有冇包埋冷氣電熱水爐,如果租果陣記得問清楚係唔係包嘅,唔係冷氣機或電熱水爐壞咗,你要自己攞錢出嚟換,你知啦,租親都一年死約一年生約,咁即係起碼住兩年,咁買部機就唔抵啦,檢查窗戶有冇漏水,我個窗因為比業主改過,咁最角落位變咗夾硬整咗個梗窗,但係又造得唔好,好大雨果陣漏水入嚟,仲係夜晚呀,我瞓瞓吓成床濕,好彩濕得唔係好緊要,但係日子耐咗,就成幅牆批盪甩哂落唻,床下底都係泥.
仲有就係座廁,廁所箱會唔會漏水,因為空位有限,多數都係造到廁箱係最高,平衡唔倒,就會漏水,我有時要戴浴帽嚟洗面,費事啲廁所咸水滴倒我個頭．

一般一零呎都係二千幾蚊，仲係有LIFT架，你自己都係揾地產經紀好啲，睇多幾間揾陣啲，最多係比佣啫，好過你喺街上見有套房免佣果隻，好多時果啲業主好鬼衰架，乜都同你計．

2010-06-04 15:24:10 補充：
如果係廁所冇咸水千其米租呀，因為用食水沖廁貴到你唔信．

這裏可以幫到你
http://acionirnsw.w88.haohaohost.cn/yahoo.com.hk/hk/auction/178987536