化妝學校BeautyTech定MEGGYLI邊間好啲?

你講既兩間都係出名學校
不過你要留意番你會唔會打算考國際試
另外亦都留意學校出 job 有冇咩條件咁
呢 d 都會好影響到你將來出路架

之前都答過關於化妝學校既問題
不妨參考下, 睇下幫唔幫到你啦

**************************
其實唔同既化妝學校都會有唔同既意見

至於會唔會迫人買野
你可以睇下佢學費包左 d 咩
如果係唔包材料,
你就要有心理準備會 sell 你
有 d 甚至係暗示唔同佢地買就唔合格之類
咁當然你報名果陣唔會咁講啦
如果佢已經包晒要用既材料
咁上堂果陣都無咩好 sell 喇
仲要留意埋包材料既意思係包你上堂用一套大家 share
定獨立一套俾你番屋企呢

基本上所有學校都唔會淨理論
但或多或少都會有, 因為有 d 係理論課
另外除左上堂之後, 課餘時間會唔會有地方俾學生練妝呢
練妝又會唔會有導師可以問呢
呢樣好重要, 上堂固然要實習啦
但化妝係一門技巧性既技能
一定要多練習先得,
學左唔練等於無學過咁濟
如果學校有地方可以提供到地方俾學生練妝就最好啦
但有 d 係會收番好貴既租金, 甚至 100 蚊個鐘
呢d 計埋計埋都唔少架

至於年齡相信問題不大
而家都愈來愈年輕化
就好似我公司咁, 有個學生 14
已經考到國際認可資格
有 d 學生就 over 40 考到都有
相信呢個唔會係你既問題啦

學生人數都係好關鍵架
就好似政府開辨果類化妝課程
一個導師就 30 人,
每堂算佢 3 個鐘
仲要計埋導師示範
每人平均得幾分鐘執妝
學唔學到野就真係唔知道啦
所以小班教學係好重要
最好係8 - 10 個人啦
如果有埋助教就更加好
因為有 d 小問題,
助教到幫到手
咁導師就真係可以教得更加好

但要知道小班唔係學校收生唔夠果種小班喎
另外亦要留意明星導師係咪堂堂都出現教晒你呢
定係一早已經講明佢會教幾多堂之類
試過某 d學校俾學生投訴到明星導師成日唔在場
又遲到又早走, 其他只係 d
師姐睇住練下妝咁
坦白講, 如果個導師本身都好忙, 好多 job
又會抽到幾多時間教班呢
係真係學到野定明星效應呢,不妨多加留意

至於價錢就太多客觀因素影響
正如我之前講果幾點已經會影響

到例如少班教學, 成本自己會高左
包埋材料亦一樣
所以計學費就唔好單單睇課程
要計晒 total cost, 例如材料, 化妝掃, 化妝箱, acceossories 等等
唔可以單單憑課程學費去評論

除左以上之外, 仲要留意埋前景出路
最好可以報考國際資格
因為呢?會比較有保障
學校自己簽既証書未必個個認同
有機會去其他國家, 人地唔識你間學校又係麻煩
況且間學校又會唔會永遠都多人識, 多人俾面呢
點都係考番個國際資格穩陣 d

另外如果學校幫學生搵好多實習機會
例如演唱會,舞台劇, 平面廣告等等
定時舉辦唔同類型化妝 show
等學生可以有多 d 舞台經驗就更加好

而家香港化妝師主要工作好多都係新娘化妝
如果學校會定時落婚紗展, 吸納多 d 婚紗客人
仲會帶埋學生一齊去,
呢方面經驗真係好難得架
因為到你離開學校之後, 就未必有新娘妝俾你去跟呀

*********************************************
有咩問題可以 email / msn 我
[email protected]

其實出面有好多學校, 視乎你想學來為咩. 考牌? 做化妝師? 定係做counter sales? 因為就算間間都有考牌, 都要考慮以下因素:

1) 考咩牌先? itec / c&g / cidesco? 考到邊個 level? 有無認受性?
2) 如果想入行, 更加要留意學校有無前境 e.g. 就業機會
3) 有無配套幫助學生成功入行?
4) 最後, 咁辛苦攞錢出來讀, 當然要問清楚包唔包上堂用品&工具, 包幾多, 夠唔夠用 & 價錢.

好多人只係睇(4) 而忽略頭三點, 最終就算讀完都入唔到行, 結果果幾萬蚊仲嘥鬼埋, 自己眼見好多人真係好想入行, 結果讀到第二次先找到間俾到support佢

希望可以幫到你啦, 有問題可以隨時問我ar ;-)

msn: [email protected]

Winnie

hi,我係化妝師黎,做左化妝都年幾,
beauty tech唔使我講,你上網隨便搵下都知有幾唔好。
meggyli我就冇讀過?其實係聽都未聽過。
其實我自己學過化妝就知,學校唔係話出名就一定好,我自己連國際試都考過la,so far d job都冇話因為我有冇國際証書同係咩咩名校出而改變。
另外,我最近同一個世界top five的品牌合作,佢地都有d化妝美容班。你有興趣可以send e-mail 俾我呀。
btw,我覺得化妝好靠你練得多唔多,唔係你咩學校出黎都係一樣。
[email protected]

夢工場形象工作坊 Dream Factory Professional Image

專業化妝基礎證書課程 (DFMUF)
Professional Make-up Foundation Course

本課程主要教授基本化妝技巧，讓學員掌握化妝的正確知識，學習一套正確的化妝程序，從而進入專業化妝師的行列。

本課程適合任何對化妝有濃厚興趣之人仕報讀，完成課程後，學員可繼續進修新娘化妝或髮型設計證書課程及其他高級化妝課程。

學員完成本課程，經考試及格而又成績優異者，將有工作轉介機會。

課程摘要：

標準化妝入門及化妝步驟
專業化妝工具使用
認識不同質地粉底的應用及技巧
遮瑕的運用及技巧
基本輪廓修飾理論
色彩學及色彩配搭
化妝與設計整體造型之關系
眉型繪畫技巧與面型的配襯
薄貼無瑕粉底的技巧
日式化妝與歐洲式化妝之特色
日式透明化妝之技巧
裸妝之化妝技巧與特色
男士化妝技巧與特色
潮流日妝之顏色運用
宴會晚妝與閃粉運用技巧
時尚流行閃妝
煙燻眼化妝之造型
高清粉底妝容
課程全期10堂(包括1堂考試)，每堂3小時，合共30小時。完成本課程後，經考試及格並出席率達80%，可獲頒發【專業化妝基礎證書】

全期學費 $4,800 （包括供應堂上使用之化妝品及講義）

＊慶祝佐敦新店投入服務，凡於30/6/2010前落訂確認所有造型課程，可享七五折優惠！（以原價計算）歡迎查詢及預約。
www.dreamfactory.com.hk Tel:21948724

您好， 我也遇到過類似的情況， 我建議您多了解學習一些臉部護理，身體護理，頭發護理以及化妝的小技巧。這里是一個很不錯的網站。
http://www.hongkongbeauty.info
祝您好運！

如果你搵化妝美容學校....
一定要搵一間前景同配套好ge學校....
要睇清楚會唔會太過明星效應....

因為其實好多間都差唔多....

記緊.....睇學校ge前景配套....

我個時搵學校都好睇依樣野....
因為可以幫助到之後ge發展....
仲有學校會接新娘job,令到我地更快發展....
加上又唔洗買產品...因為都包晒...
依家學校搞埋大學學位,比到更大信心同專業我地...

記得個時岩岩學已經成日出job...
真係出到有時唔想出....哈哈...
最正ge係學校會搞化妝比賽比我地吸收經驗之外..........
仲會打造一個平台比我地promo 自己.....

可以add我facebook/msn交流下...:[email protected]

你好!想請問你係Missha度係讀邊個化妝課程呢?

你好！我係o係 MIssha 到讀化妝，其實 Missha 除左賣 skin care外，幾年前開始開辦學校，所以唔係咁多人知。我都係我個fd 讀完第一屆後，覺得呢間學校唔錯。咁啱舊年年尾開始開辦特技化妝，叫埋我一齊去讀。讀完後我都覺得d導師好pro同好肯教，而且呢間學校仲唔會逼學生買野，所以我地用o既產品全部都係自己打去。我仲記得考試果陣唔夠顏料仲問d導師借俾我地呢d學生考試添！

我知道 Missha 課程賣點，學費比出面所有學院平，課程好充實，會覺倒好多唔同妝容。同埋 Missha 唔駛學生買佢地公司o既產品先可以出 outjob，我上次跟佢地出新娘 outjob 都係用自己野。因為學生出outjob 冇錢俾，但佢地會幫我地爭取要主辦單位供應膳食俾d學生，所以上次新娘化妝outjob 我都一樣有得食。不過最仲要就係出outjob 真係令我學多左野。

最近 Missha 仲舉辦左化妝比賽，我都有份參加。你可以去我個 blog到睇下同埋去 MIssha 個web site到睇下d課程。希望可以幫倒你啦！

Blog︰http://hk.myblog.yahoo.com/ykl_sharon
E-mail︰[email protected]
web site︰http://www.missha.com.hk/v5/main.php