✔ 最佳答案
我剛剛於首爾國立大學(seoul national university)的語言學院讀完6級課程畢業. 就我個人經驗認為, 選哪一間大學著重於你想怎樣學韓文.
就我所知, 延世及梨花比較著重文化課程, 即除韓文外, 還會有很多文化體驗的活動. 而呢兩間大學相對來自香港的學生亦較多. 此外, 延世的課程比較重視閱讀, 而梨花則比較重視口語能力. (我分別有朋友現正就讀梨花及曾讀延世)
而我所讀的首爾大相對來說是重視語言學習多於文化課程, 一個學期只有一次出外學習. 但我們則比其他學校更重視學習文法及語言. 因為雖然每間學校都同樣學到六級畢業, 但首爾大其實讀完四級就已經學晒所有文法, 到了第五第六級是學日常生活的各方知識, 包括韓國歷史, 文化, 流行文化, 科學, 時事等等.
我曾有同學, 本來在首爾大讀韓文, 三級完結後去咗延世讀四級, 但讀完再轉返去首爾大時已不能升五級. 因為延世四級所學的文法不足以應乎首爾大的五級讀程, 結果佢要在首爾大重讀四級.
仲有, 我學校基本上係無乜香港人, 睇你上面無例首爾大出嚟就知佢係香港唔出名. 事實上, 我從一級到六級畢業, 喺最後一個學期先有幾個香港人嚟讀. 不過其實首爾國立大學是全韓國最好, 最難入, 排名最高的大學...唔知點解偏偏無乜香港人識....
而在教學方面, 一般都係全韓文. 一級時會用少量英文, 但二級開始就全韓文. 不過老師們知道學生的水平, 所以就算全韓文都唔會聽唔明
首爾大的課程時很緊湊, 但我只係讀咗一年半, 已經可以從一句都唔識到可以同韓國人傾國家大事.
希望資料/議建幫到你