有關收費電視

你好!

Nnn 年前,於街頭嗰啲擺檔申請有線!
N年前打電話申請網上行就送左now比我!免費一年,之後冇再申請!
4年前,搬出去住,有人上門推銷,即場簽約並安裝(冇記錯的話)!
依家搬回家,我重用網上行舊解碼器,自動由remote以作申請,唔駛打電話或用紙筆簽約,只要轉到想睇嘅台,按enter並打入password,就ok,自動寄單嚟每月收費!

多年嚟,所有申請途徑都試過晒,但就從未聽過冷靜期?

想問咩叫冷靜期?你所指簽約後問題,係邊種呢?例如?係咪想講有咩唔對路或拗數時,可隨時無條件終止合約的意思嗎?若係咁,應該就冇喇!

Anyways,只要一簽紙並開始播放,基本上都冇可能!就算未播放都唔駛諗,除非未裝機都仲有得拗!

以前,發生過無數投訴,有關手提電話開台,指啲sales(路邊檔同上門)為左爭客,經常應承啲客送呢送路,如3人會議,免年費等等,點知用左一個月後,收到bills發現竟要收費,於是打上hotline查,但對方死拗由於喺街申請,冇電話錄音,所以唔知個sales應承過客人啲乜,話睇返合約,客所join個plan正常係唔包三人會議嘅,而合格亦冇寫明,當客戶叫sales當面出嚟對質,但就話個sales已辭職(唔知真定假),死無對証!
不過,多數都係個sales衰,未必關hotline事!我之前有個朋友做網上行,但佢係做工程部上門維修,佢私下同我講,要小心啲古惑招數!佢教我盡量都以打電話途徑去申請!簽任何文件前,一定要睇清楚合約上寫實有咩優惠,就算企喺街唔方便都好,問清楚先好簽並離開,最重要問對方攞卡片以及全名(唔好剩問英文名)仲有手提!
因此,上門申請嗰次,我照足咁做,之後就連截數問題,技術支援,我都call回sales同我跟,直到用左一排,於賬單上開始退回預繳金額,我先冇再煩佢!
聽聞由於喺街或上門推銷之優惠,若打上台申請係冇嘅,佢電腦一打出嚟只會同你做普通價,若sales開左account並將之send回公司and將合約資料輸入,先會show到優惠出嚟,因此會鬧出上述所講,口同鼻拗呢種情況!有啲sales為左做夠order,就呃啲客有優惠送(其實冇),到時打嚟嘈先算!尤其街檔攤!博你唔想企喺條街咁耐,唔多點問得仔細,so!到你發現收費有問題,都起碼一個月嘅事!上門申請都還好!起碼有多啲時間睇清楚問明先簽!

Anyways都係想提醒返大家小心注意呢啲問題,不過,我諗依家應該好好多,無論sales定文件處理程序,都比以前有保障!

若發問者有咩担心或唔明白,最好趁早打上去問清楚,雖則未必有用,並冇冷靜期,但至少起碼唔駛話用到一半先發現唔對路,查起單上嚟都麻煩啦,過左咁多期,實混亂!

希望以上意見可幫到你,若有咩問題,可電郵比我架!
[email protected]

Winnie Lee

可以試試上網址《http://talk852.com》，
果度有好多有關收費電視呢方面既免費資料，
我自己睇過咁多呢個算係最新最齊，
提提你很多資料要免費註冊後才可看到的，
希望可以幫到你。