繼續下去嗎? 好長篇...

依家好煩, 我唔知我應唔應該繼續做呢間公司, 定係就咁放棄離開?

我自己已有兩年冇做正職, 一向靠partime or freelance為生, 因為我想去完成我既理想~ 後來在大半年前識到個男仔, 佢自己有開一間公司(小型), 個時話請人, 最終某d原因我冇去做, 我地都keep住contact既, 慢慢就鍾意左佢.....好喇~ 中間發生左一d野令到我地關係由曖昧式朋友轉為工作上既合作伙伴....個時就同自己講, 如同佢做partner就唔想帶入感情關係, 就決定同佢做呢間公司, 佢講到明佢唔會有時間去打理, 要我當自己係老闆, 唔好以打工心態同佢做, 間公司原本係佢開畀佢阿媽的, 所以變相就要同佢阿媽做partner喇~ 我地講好左點分股份, 佢唔需要我入股的, 呢間公司已開左成年....將來都會畀我打理....當初冇好好傾好細節, 加上我做生意冇經驗, 所以好多野都問佢意見同渣主意.....

好喇, 從4月搬左舖頭, 裡面所有野都係我去搞, 佢地冇搞過任何野, 我算係花左好多心機時間入去, 但因為我真係冇錢, 而且我都冇本錢去守呢間店舖, 我唔想再預支公司的錢(都係佢既錢), 加上好多野我同佢想法不一, 佢又好多野都唔理, 令我好唔開心, 加上佢媽係比較難相處的...有好多朋友話佢一定搵我笨, 擺明就係明知我仲鍾意佢就叫我咩都做又唔駛人工, d fd已經叫我收手, 但係我又唔捨得喎, 依家既情況真係山窮水盡, 見步行步都唔係辦法, 有想過去搵partime既, 但係我知佢唔想囉~ 搞到依家好鬼煩, 佢媽依家唔係hk, 所以點都要等到佢阿媽返黎先可以走, 盤數係我度....我真係唔知點.....唉~ 好煩....我有諗過我咁辛苦...可能都係因為仲好鍾意佢, 如果比著第二個人, 可能已經走左好耐....冇糧出又咩都要打理既工作真係邊個會肯做? 我係咪應該為左我既理想再盡地一鋪做盡佢? 佢成日都話我仲未比到個heart佢叫佢點投資落去喎(我辛苦做野佢又睇唔到)~~

各位比d意見...thanks!!