鍾意一個男仔但唔知點面對佢...

我鍾意左班入面ge一個男仔...
我地以前比較多係msn接觸...我地唔會傾好多野...通常日日on左會問下對方做緊咩..食左野未等等ge平常野。依家因為係班度接觸唔多，msn都接觸小左。
今年我生日/佢生日都有一齊出黎食飯。我有上網玩個d幾準ge占卜(輸入兩個人ge生日),測到好感指數係12(感覺不合)，戀愛關係指係65(非常有緣分)。我測佢同另外兩三個幾friend ge女仔的結果係比我更適合做朋友/戀人。我覺得真係幾準，佢地之間ge感覺更熟更自然。
佢係我眼中係比較耀眼:佢上堂成日講野，好聰明，搞d gag會令好多人笑:)我係班就比較靜，係屬於外表冷漠，心裡熾熱ge人，我係我班朋友都好開朗活潑ga^^我同佢今年先同班，仲未可以同佢d朋友熟。我地通常會一齊返學，係班度有時會一齊講野，但係我真係好怕羞，唔知講咩好，搞到我好似好冷漠敢...我有時會諗係咪唔一齊返學會好d，唔想大家有dead air(試過)或者唔好ge感覺，我唔知點做好:(
佢有可愛同大男人ge兩面，真係好厲害，測驗講佢同愛嬌ge女仔幾合適，我唔呢類型ge女仔，又唔係同佢好岩傾，對住佢又唔係好講野(唔知講咩好)....見到佢同其他女仔岩傾但我又咩都做唔到,對自己好沒信心。我就連同唔同佢返學都唔知，接觸ge機會係有，但係我有時唔知講咩好，好似好唔夾...
我仲讀緊中學，唔係諗緊同佢拍施d野。只係想每日係學校個時同佢會開開心心，大家玩下，講下野，都想佢重視我。不過我好似連接近ge勇氣都沒，我未必係適合佢ge人，同佢返學係咪好事??依家又就快考試，有時諗到佢會覺得好辛苦，佢都未必鍾意我，佢同某兩三個女仔都幾fd。
好希望各位可以比下意見我，我依家真係幾煩...想保持平常心，快d溫書但又會諗到佢:( 有時覺得佢同xx女仔熟所以唔會鍾意我，依家又覺得同佢一齊或講野個時會唔知點敢，沒咩野講，想係佢d朋友之中混熟又唔容易(大家唔熟)，生日配對個d又唔係話好夾，我應該點做好???
thx大家睇我篇文，有咩意見都可以發表^^