舊式涼茶店

一杯味道苦澀的涼茶，過去曾被「豬仔」視為靈丹妙藥，五十年代的飛仔最愛蒲涼茶舖。現在，涼茶對香港的貢獻再添一筆，因為在上月底公布的五百一十八種「國家級非物質文化遺產」中，涼茶有幸成為其中一員；當中包括王老吉、徐其修、黃振龍等五十四種涼茶配方。身為炎黃子孫，是時候溫習一下我們的涼茶文化。
單眼涼茶先四後十
有過百年歷史的「春和堂藥行單眼佬涼茶」……嘩，個名好長喎！老闆娘李太解釋：「呢度本來以賣藥為主，後來才兼賣涼茶，所以先有『春和堂藥行』呢個名。」兼賣涼茶後，創辦人李鏞昌不時坐在門口打點，由於患有斜視，行過的小朋友以為他戴上假眼，於是乎幫佢起個花名：「單眼佬」。後來這的涼茶生意愈做愈旺，高峰時期有四間分店，李鏞昌索性用自己做嘜頭，叫「單眼佬涼茶」，變成現在這個長長的寶號。

究竟單眼佬涼茶有甚麼秘方？李太簡單一句：「唔講得。」材料成分唔講得，咁就講製法啦。「材料加清水先煲四小時，之後焗十小時令它出味，之後要再煲再焗，撈起茶渣後還要煲多一次，確保所有藥味釋出才收火。」這種傳統做法，傳到第四代（單眼佬曾孫）依然不變，百年味道始終如一。除了涼茶，店內還有五花茶、琥珀膚、滴耳油、便秘丸供應，同樣是古法秘方，頗堪回味。

竹蔗水富豪也飲
位於中環荷李活道的「公利真料竹蔗水」，一九四八年開業，至今已有五十八年歷史，附近不少街坊由細飲到大。為甚麼招牌要寫明「真料」？老闆娘崔太解釋：「以前有幾塊田新界，所有蔗都係自己種自己榨，冇溝水冇開粉，真材實料，再加上新界人做生意老實，所以要講明。」

除了竹蔗汁及竹蔗水，店內的涼茶同樣受歡迎，皆因崔太特別加入了苦瓜乾。苦瓜又稱涼瓜，性質較寒，有清涼解熱、鬆弛緊張的作用，不過由於成本較高，一般涼茶舖都不會採用。這的涼茶味道甘甜，飲完零舍醒神，難怪香港首富李嘉誠都專程坐車到來，由司機代買一杯慢慢歎。

圖片:www.hkheadline.com/blogreply_blo...id=141386

單眼佬涼茶:
http://www.openrice.com/restaurant/reviews.htm?shopid=13805

背景資料:
http://the-sun.on.cc/channels/fea/20060615/20060614232113_0000.html