怎樣截停信用卡分期付款?

Sorry. 好不幸你cut唔到. 消委會巳好多次叫人唔好貪便宜買 package. 正如果班 yoga中心受害人一樣, 你碌信用卡做分期, 係唔可以cut咗佢嘅. 因為在你辦完碌卡分期手續後, 銀行會一次過全數付款俾美容院. 之後就分期同你收番, 賺你利息 / 手續費. 正如你去chanel碌卡買個袋, 或去pizza hut碌卡食pizza, 都係銀行代你一次過付款俾 chanel / pizza hut, 然後月尾先同你收番. 你找清數, 銀行就賺 chanel / pizza hut俾果幾個%手續費. 你拖卡, 銀行就賺利息 / 過期罰款. 無論點, chanel / pizza hut巳經收咗你錢. 所不同嘅係, 信用卡分期利息無拖卡咁貴. 此乃信用卡嘅運作.
既然你係供番俾銀行, 即係欠銀行錢, 而唔係同美容院做分期. 銀行已代你俾咗錢俾美容院, 你而家cut咗佢, 咁銀問誰收番d錢? 銀行點會俾你cut?!


2010-05-27 21:53:57 補充：
你碌卡時銀行已經過左數俾美容院. 銀行只係在下一張月結單先至 charge 你 a/c. 本來如果你無做過果兩次 facial 就重可以用 "壓力銷售" 嚟試吓 cancel 張合約. 但你已經做過果兩次, 即係你接受張合約, 真係無計.

2010-05-27 21:56:27 補充：
你一係就唔好再去那家美容院, 供死會算數, 當買個教訓.
一係就去享受每次一半嘅 facial, 兩次夾埋就係一次囉... (講笑)
你可照去做 facial, 佢話有東西沒準備好, 你就說瞓喺度等佢準備. 再叫你買嘢就話申請緊破產, 企硬唔買...

2010-05-27 21:57:29 補充：
joker兄: 你果間信用卡公司係邊間? 介紹俾我!!!

2010-05-27 22:02:37 補充：
joker兄: 照你咁講, 你去咗pizza hut碌卡食pizza, 然後拖卡, 供得幾期 min pay 就叫銀行cut咗佢, 得唔得呢?

所謂既信用咭分期, 係先扣除你既信用額, 然後每個月係你信用咭入賬. 數月或半年後銀行一次過比錢信用咭公司, 要銀行唔過數除非間美容院倒閉.

既然冇得CUT，死人都要做埋個FACIAL去，做完為止，你大可向消委會投訴佢哋，咁佢哋就冇咁多嘢要你買架啦．

可以寫信去信用卡公司通知佢地停止付款.