本人受到前男友的恐嚇，已報警求助，警方也告之要出席作證人．然而，由於前男友的恐嚇說話中含有色性成份，而且本人公司係國際大公司，故本人想要求法院向傳媒頒令不能公開本人之資料．但，本人問現協助調查的有關警員，本人應向甚麼單位提出這申請要求？又或應在那一階段提出這申請要求時？得到答案係．．．呢ｄ細case，無咩人咁申請．我再問佢咁我想申請身份保密要點做時？反給佢罵了一頓，東拉西說的胡說一輪，總之係無答案．
由於本人不想家人知道自己的擔心，以及怕影響到工作，所以想法院能頒令保密本人身份，請問．．．我應向那個單位申請？何時申請？警方就一定不能幫我回答這問題，咁點算？未去取證人傳票，大約二週後上庭作證人．所以請急急回覆．
急急急，請求法律人仕幫忙～～～
2010-05-28 12:09 am
回答 (2)
2010-05-28 1:05 am
✔ 最佳答案
首先你呢一宗案件，應該是刑事恐嚇不涉及性罪行，警方及法庭有權將性罪行受害人身份保密，日常看報紙都會用XYZ小姐代替受害人身份。你呢宗案件法庭會考慮到案件嚴重程度，恐嚇說話內容去里定需唔需要去用英文字代替受害人身份，某一些人聽到人講粗口會好擔心粗口內容發生係自己身上，但某一些人會聽完之後會無事。所以你無需要擔心，法庭會去衡量，放且呢件事已經去到要你出庭的地步，好明顯你前度男友係第一堂唔認罪先要你出庭頂證，無後悔之心。如果你唔出庭頂證佢，法庭為有無條件釋放佢，將來你前度男友重大大聲講：『點呀！報警呀！差人同法庭都攪我唔到，吹咩！我再攪你』所以唔駛諗咁多，快啲簽張證人傳票，之後出庭前一日温習番份口供，有幾多講幾多，但係唔好加多。2010-05-28 00:42:31 補充：
如果好似知識長話申請gag order的話，你首先要向法庭填報有關表格申請，披露你個人資料，最小係你個名，你單案件同埋審訊日期，到時重多咗人知道呢件事。
2010-05-28 12:54 am
我好唔明, 係佢犯法唔係你, 錯嘅係佢, 你驚乜?
個警察無講錯, 呢ｄ細case, 又唔涉及性罪行, 好少有人申請保密身份. 你係受害人, 報紙通常唔會指名道姓報導你, 呢d係專業守則. 但如你真係驚被人知悉身份, 而差人又唔願意幫你做, 你可以做3樣嘢.
1. 直接向主控官提出, 要佢向法官申請 “gag order”, 即係唔准報紙報導你身份.
2. 上到庭向法官提出申請 “gag order”.
3. 請律師上高院申請 “gag order”.
法例規定傳媒唔可以報導性罪行受害人身份. 除此之外, 一般嚟講法庭為咗平衡公眾知情權利益及維護審訊公平, 係唔會在普通罪行審訊中出 “gag order” 嘅. 你告得佢, 公眾可知道被告身份時, 亦有權知道邊個作出投訴.
個警察無講錯, 呢ｄ細case, 又唔涉及性罪行, 好少有人申請保密身份. 你係受害人, 報紙通常唔會指名道姓報導你, 呢d係專業守則. 但如你真係驚被人知悉身份, 而差人又唔願意幫你做, 你可以做3樣嘢.
1. 直接向主控官提出, 要佢向法官申請 “gag order”, 即係唔准報紙報導你身份.
2. 上到庭向法官提出申請 “gag order”.
3. 請律師上高院申請 “gag order”.
法例規定傳媒唔可以報導性罪行受害人身份. 除此之外, 一般嚟講法庭為咗平衡公眾知情權利益及維護審訊公平, 係唔會在普通罪行審訊中出 “gag order” 嘅. 你告得佢, 公眾可知道被告身份時, 亦有權知道邊個作出投訴.
參考: Veni - Vidi - Vici
收錄日期: 2021-04-25 23:49:12
原文連結 [永久失效]:
https://hk.answers.yahoo.com/question/index?qid=20100527000051KK00739