國籍問題,我可以有韓國passport 嗎

我的情況同你差唔多, 我男朋友係韓國人, 我倆正打算結婚. 亦諗緊香港韓國居留及生小孩的問題


其實我覺得你唔需要攞韓國passport, 因為你結咗婚, 就可以申請居留, 可以搵嘢做, 住滿三年可以擁有具限制的投票權. 有外國人登錄証, 同身份証差唔多, 出入韓國用返hk passport就可以.


如果你先生要去香港, 佢可以三個月免簽, 就好似我哋去韓國一樣. 但三個月後要走. 無working visa又要留一年的話, 你可以配偶身份申請佢去香港. 其實等佢住滿7年後佢會攞到香港三粒星身份証, 不過仍然係韓國passport. 因為暫時港韓好似都未容許雙重國籍,所以不能持兩本passport.


而於小朋友, 如果係女, 跟爸爸入籍攞韓國passport都無問題, 但仔的話要諗清楚. 因為韓國規定, 仔的話, 只要父母任何一方係韓國人, 不論佢係咩國籍passport, 除非一世唔去韓國, 否則的話都一定要當兵. 唔想當就要同韓國政府聲明永遠放棄韓國國籍


其實等你攞咗韓國居留權, 你老公攞埋香港身份証就得啦, passport換唔換都唔係問題

2010-06-13 10:57:39 補充：
可唔可以攞多個passport是在乎兩個國家容唔容許咁做.承唔承認雙重國籍. 韓國而家都傾緊呢個問題, 但到而家都無話可以特區護照同韓國護照一齊拎. 另hkid只係香港人的身份証, 同護照唔同. 持hkid+韓國護照是可以, 但兩本passport一齊就未必得....

我已經同韓國人結婚兩年~如果外國人黎韓國住可以申請f2 visa, 住4年後可以申請f5永久居住visa~ 可以有韓國公民權利~但無韓國國籍~

如果申請入韓國籍就唔可以持香港護照~因為韓國&中國唔可以有雙重國籍~你如果要轉就要放棄香港護照~~

你老豆如果係香港住~用無簽證visa3個月(必須在3個月出境一次)~唔可以做野~所以要申請香港人配偶簽證~要準備好多資料先可以申請~@@", 不過你老豆可以係香港做野~

因為韓國最近好多人都係國際結婚~小朋友係21歲前可以有韓國政府可以比小朋友韓國&香港身份,21歲既時候要放棄其中一個~如果選左韓國要當兵~

你的小朋友是可以有多個passport的，我個friend嫁了曰本人佢個仔都可以。香港ID card是不會沒收的，我個friend响日本住了幾年，返來HK開bank account用HK ID card的，連公屋户籍都未取消。你的情況咁雜，建議你問入境處啦，電郵都可以嫁。

好多地方都唔容許有雙重國籍，咁究竟你哋諗長住邊度先，諗掂先攪入籍手續．
你先生若想有居留香港的權利，只要有公司証明長期聘用他，利用working visa，咁就留喺香港七年，咁就可以有香港身份証，甚至PASSPORT，但係你又話要去韓國住，咁你哋究竟留喺香港定韓國呢？若你跟去走，只要有紙婚書就可申請你移民過韓國，但手續就要問入境處啦，你自己本身的香港特區護照其實已有百多個國家免簽証入境架啦，你如果只係過去探親小住，都唔駛攪入藉啦．