查詢Star Alliance

1) 綜合返幾個Star Alliance既mileage programme, 我覺得用 Thai Airways (Royal Ochard Club) 或者 Singapore Airlines (Krisflyer) 會比較好~~ 因為佢地既基地近香港, 咁到時換分去玩都無咁煩 (因為換其他Star Alliance航空公司機票就要打去hotline換, 換自己既上網攪就可以)~~ 而且因為 新加坡/曼谷 都近香港而且機票平, 如果想去玩又唔夠分直接香港出發 咁都仲可以買張平機票去 新加坡/曼谷 轉機再去玩~~ 而如果以 香港-倫敦 航線黎講申請 Singapore Airlines (Krisflyer) 會比較好, 因為你坐 維珍航空 亦都可以儲到mileage咁會比其他 Star Alliance 既航空公司吸引~~

2) 當你上左 航空公司網站, 先係佢地既Quick link上面搵返佢地個mileage programme~~ 入到去會有redemption mileage既再入去就應該會搵到~~ 以 Singapore Airlines (Krisflyer) 就好似係80,000分(坐新航, 新加坡轉機), 而如果你直接上網換就仲有mileage 85折(只用85% 既mileage 就換到)~~ 咁 Singapore Airlines (Krisflyer) 換分 香港-倫敦 就只係需要 68,000分 已經坐到世界一流航空公司, 又有新機 A380 坐~~ 而且 68,000分 亦只係同 Cathay Pacific(Asiamiles) 既 60,000分 難唔多~~

3) 如果轉機黎講 香港-倫敦 應該係經 曼谷(Thai Airways)/新加坡(Singapore Airlines)/法蘭克福(Lufthansa) 都係比較快既~~ 而如果換機票黎講, 最好換返自己航空公司既機票, 一來比較易換又唔需要打電話慢慢等~~ 而好似 新加坡航空 咁網上換機票更加有優惠~~ 我返而覺得有時機程唔係一個問題, 應該轉機機場既方便程度係更大既問題~~