成日想跳落去?

你好!

請問幾時發現的?
係唔知點解走去望落街抑或係每次身處高樓都故意行去望?
當時有意識嗎?
點樣返轉頭?
有唔開心事屈住喺心嗎?

其實,我前男友佢曾經亦有一模一樣嘅問題!

我必須強調以及事先聲明,我並非導人迷信,以下所有內容只係一個經驗分享而已!

情況
當時,佢因喺工作被老細恰,因財政方面好大壓力,唔可以失業,明被無理剝削都唔敢告佢!回家又比家人單打,最愛錫佢湊大佢嘅麻麻突然得了急病,毫無先兆並好快就離逝!仲有好多衰野發生(如佢因工整親韌帶,我整斷手筋,撞車,愛貓病逝等等),篇幅有限,不能盡錄!一句講晒黑到冇人有!心理所承擔嘅已爆煲了!
種種壓力下,加上得閒死得閒病,連呻嘅時間亦冇,更加唔好講發洩,每日訓幾個鐘而已,佢又做運輸,身體攰到…
總之,身心受壓,但未至於要尋死,因佢人好硬淨,不妥協,打不死的!
有日,佢放工返嚟同我講,於停車場5樓泊車後送貨,之後竟走去欄杆邊,但架車唔係泊嗰邊,唔知點解對腳會自動行去嗰邊!之後就望落地下,好想跳落去!好似有把聲話跳落去啦!
他的見解 – 鬼神之說
佢3歲左右,因所住屋村有人跳樓,佢唔識死拎起人副眼鏡嚟帶(眼鏡同屍體飛離好遠)!自此就有陰陽眼,兼佢鬼節出世!所以特別tune到某啲電波,亦識啲茅山師父!
佢覺得,係有野攪佢!佢曾話過,d靈體所謂搵替身或鬼上身,並非拍戲般,於背後推你出馬路等!佢地係掂唔到人!亦冇咩法術,只靠三個字<意志力>!通常都會揀啲印堂發黑事運低,啪左丸仔,或一啲意志薄弱嘅人,再所謂神推鬼ong引你去啲危險地方,如天台之類,當你望落街時,你望到嘅唔係條街,可能係啲好吸引你嘅野,引你行埋去,就算個人係畏高,嗰刻都唔會驚!例如你覺得好熱?就會見到個泳池,有時可能會聽到有把聲同你講”熱就跳落去啦”!此刻唔清醒或意志唔夠定,就真會聽話地一野跳落去!
姑勿論信唔信,但好乎合,明明車唔係泊嗰邊,為何無端行埋去望街,萬七件貨未送,邊有咁得閒行去冥想跳落去會點?如發問者話,覺得好舒服,正常人根本唔會有呢啲感覺!
我的科學見解
1) 我信有鬼神,但唔迷信!比較偏向科學邊睇!
2) 講真,一個人唔開心,都會想喺夜欄人靜,四周無人地方(如碼頭天台公園等),坐低飲下酒諗下野!飲醉就會自然咁釋放自己,如大吵大鬧,將一次過屈於心之鬱結統統爆晒出嚟,將所有傷心煩事group埋,若意志低薄,怨天尤人,一時睇唔開跳落去都唔奇!若再啪埋啲迷幻藥,產生幻聽幻覺,就更加啦!
3) 所以,我認為你地有此行為,非鬼神之說(但唔排除),只係純粹因唔開心或壓力而形成,或許你認為”冇吖!冇唔開心呀!”,但通常呢種先最得人驚,因連自己都唔知原來係唔開心
4) 以前我因屋企太嚴對我期望高,因此由細到大都好怕做錯事,怕到自己有抑鬱都唔知,在家,食餐飯都左驚右驚,怕渣錯筷子比爸爸鬧,明明唔中意食魚,但怕媽會鬧”巴閉喇,講到迫你食,我d野好賤嗎?”而迫自己食,就連已經好飽,一句話,你都未食夠兩碗飯,點會飽姐!
總之,一直唔敢出聲,慢慢人大左,開始經常困自己於廁所,就連溫書都喺廁所溫,嗰陣我覺得好正!之後拍拖,男友發現我好多怪行為,於是同我父母講,帶我睇醫生先知我已患上接近中度抑鬱!
父母好驚訝,我亦一樣,醫生同男友認為我將自己困廁所已係一種病態,但我唔認同,覺得自己有個小天地而已,可食下煙,冇人煩而已,並冇唔開心!但原來係種潛意式,自己都唔知!
你的情況
你地同我亦一樣,但唔知你咁算唔算抑鬱,或許你問清楚自己,會否有啲已被”習慣左”而被蒙蔽或遺忘了嘅唔開心,係連自己都唔察覺?
我覺得你依家係你嘅潛意識對你發出嘅一種警報,話你知呢種被蒙蔽了嘅抑壓已到爆煲階段,所以你潛意識好想放鬆自己同發洩,好想可以有笨豬跳嗰種乜都唔駛諗豁出去嘅感覺,就如我好想喺屋企可做返自己,當發覺喺廁所可唔駛避忌咁做到想要嘅,於是就成日都匿廁所,唔同嘅只係我要小空間,你就要豁出去咁解姐!
總結
(A) 我唔知有冇講錯,都係個人意見而已,我認為你應該係去搵解決辦法,解鈴還須繫鈴人,或許當釋放到呢種抑壓,就如我同父母溝通好,佢地唔再挑剔我,自然就冇再匿廁所逃避佢地!若解決唔到,先再搵醫生去幫你!
(B) 其實都唔係好嚴重,起碼你都自知有此行為,識得求救!
(C) 不過,我認為,最急切係,當未搵到源頭前,先諗個辦法,盡量唔好比自己單獨行去啲咁嘅高層地方,萬一真係啲鬼神之說咪大劑?就算唔係,當你意識清醒,有時冼腳差錯腳就死啦!
若迫不得已一定要行去呢啲地方,最好搵人同你一齊行或打比朋友傾電話,目的係可有傾有講,分散自己注意力!唔好亂諗!OK?

唔好意思,暫時只能幫到呢道!若有咩問題,可隨時電郵比我架!希望可以幫到你啦!
[email protected]


Winnie Lee

Ps : TAKE IT EASY

你是否有抑鬱症，如果有的話，就要及早求醫，我曾經患上嚴重的神經衰弱，失眠了五年，是這位精神科醫生醫好我：

林楚明醫生(精神科專科醫生)
地址：九龍彌敦道238號11樓1109室
電話：２３８１７６８１　：　２３８１０７１０
診症時間：上午十時至一時
下午三時至六時
星期三下午休息
星期日全日休息
公眾假期下午休息
十年前的葯費是千多元一個月，現在不知有沒有加價．
我的電郵地址: [email protected]
[email protected]
你可以到這網站搜尋有關這醫生的資料: http://www.hkdoctors.org/chinese/
不要畏疾忌醫，抑鬱症是可以醫治的

冇話係咩病既,應該只係你想追求刺激既諗法姐,玩笨豬跳/跳傘就可以滿足你既好奇心&冒險精神