佛教黃鳳翎中學(銅鑼灣) 點去

搭港鐵由沙田/馬鞍山站去銅鑼灣站(由沙田出發於九龍塘站、太子站及金鐘站轉車, 由馬鞍山出發於大圍站、九龍塘站、太子站及金鐘站轉車)。
到銅鑼灣站落車後行去D2出口, 到地面後向右行十多步左右轉搭城巴5B 堅尼地城 - 銅鑼灣(循環線) 車費$3.4, 上車位置叫軒尼詩道, 崇光百貨巴士站。
上車後第2個站落車(東院道7號聖光堂巴士站), 車程約 5分鐘
落車後向車頭方向直行到交通燈位, 左手邊有幾級樓梯行上一條窄行車路, 行上去後轉右再行多70-80米就係香港掃桿埔東院道11號佛教黃鳳翎中學, 落車起計步行約1-1.5分鐘。
喺馬鞍山有隧巴可以一程車, 落車後行8-9分鐘到。
搭九巴/新巴680 利安邨 - 金鐘(東) 車費成人$19.0, 車程約50-55分鐘。落車後向車尾方向直行到第一個街口(即加路連山道)會見到一間叫丹麥餅店轉右行, 行到左手邊第一個街口(即棉花路)轉左直行, 行到盡頭會見到一間聖公會聖雅各小學, 跟住轉右沿東院道直行就可以。