公司有個變態女經理, 我可以點 ???

話說我公司有個女經理近呢一年越來越變態, 公司已經走左好多人, 佢好鍾意講粗口鬧下面d同事, 但係個個同事敢怒不敢言, 香港地搵食難, 因為佢係公司開方牛, 佢對上d高層都知佢有問題, 但係都唔敢點對佢, 當然就算有人投訴我亦肯定上面唔會理架啦 ! 而且佢份人好陰毒, d同事自己遲職唔做佢寫比人地的在職証明信會寫上 (永不綠用)4隻大字, 有d直情唔比在職証明信人地, d人問勞工署, 勞工署話顧主有權唔比架 ! 冇犯勞工法, 即係你得罪佢, 佢可以話係隻手遮天架 !
不過我都知道左佢一些我認為佢有犯法的事, 講比大家知, 希望大家比d意見, 睇下我可唔可以去告發佢, 去邊道告到佢?? , 會唔會係icac告到佢呢 ?? 佢用自己免費的贈卷去拿公司要用的用品, 之後照開公數, 常常都係咁架佢, 大家認為佢有冇犯法呢 ???
有人証架 ! 佢叫公司d同事去攞的........

仲有大家認為如果你地打份工被人用粗口罵, 你地覺得應怎樣處理呢 ??
想聽下你地的意見, 不過除左唔好叫我遲職, 我想知道我有什麼權利可保障自己先 ??

或者大家可以上來講下你地的經歷, 自由發揮........