稅務問題 - Commission & Bonus

其實任何一個case都唔需要算入公司利潤:
1) 如果Fee Protection Agreement入面, 有提到呢個$400,000係一個代收的數目, 而唔係一個你公司要比佢地的一個commission, 咁$400,000就唔需要算入公司利潤, 而只需要掛賬, 即係 Cr Other payable (先當係你一個代收數), 到付款時就再Dr Other payable就可以

2) 如果agreement入面話呢個係一個你比佢的commission, 咁首先你公司收入就係$1,000,000, 而有一項支出就係$400,000, 即係個commission., 咁利潤依然係$600,000, 只係入賬金額及項目唔同唧

不過要肯定你公司係無呢權利去收左之後用呢筆錢嘅, 只係代收唻, 個title唔響你度, 如果無的話, 最後清楚加番上去, 同埋要睇清楚呢個代收入面, 會唔會有其他條件, 比如代收左幾多之後, 又會比番個commission你地當係車馬費之類咁, 呢個又要計番入利潤架喎

另外你想問嗰個係花紅 (bonus) 定係股息 (dividend)? 如果係bonus, 咁基本上你分幾多都無問題, 最緊要有錢比. 咁個利得稅就會係利潤減埋個花紅之後先計, 即係同一般薪金無分別, 如果花紅大過個利潤, 咁就有個tax loss可以之後用唻扣減稅款, 今年就唔洗交稅

花紅係要交薪俸稅的, 即係話公司就可以要唻扣減計算利得稅的金額, 但稅項就由股東交

而股息就唔同, 股息呢就唔洗交薪俸稅嘅, 同埋我見你講股東, 我估你係講呢個...

如果你公司董事無人工的話, 該$600,000扣除開支之後, 可以全數用來出股息, 不過要注意, 派發股息數目唔可以大過公司累計未分配利潤, 就算你呢筆生意係收到$600,000, 但如果你公司全年支出係大過$600,000, 咁你基本上係派唔到的

至於公司利得稅, 利得稅係計算分股息前的利潤的, 所以你要分, 即使當你係淨利潤$600,000, 可派發的數目只係 $600,000 (1-16.5% x 2) (因為仲要交預繳稅) = $402,000.

而股息係唔需要交薪俸稅的