Golf TSI 1.4 更換冷氣格

不大同意上面嗰位所講汽車冷氣多數無風隔. 所之, 汽車用冷氣風隔設計同要求更高, 因為架車週街行大沙大塵.
Golf 1.4 TSI, 即係 MK V 或者 MK VI Golf. 冷氣風隔位於前乘客位 Glove Box 下面入面位置, 可以自己拆出嚟. 風隔係垂直由下推上去, 用 Cover 頂住.
更換步驟:
1, 烏低身沿住Glove Box 底部摩入去, 腳位上面位置會摩到一塊用較實淨同較硬身嘅發泡膠製嘅掩版. 呢塊掩版用兩口螺絲固定.
2, 拆除前述兩口螺絲. 呢種螺絲係唔需要用螺絲批轉出嚟嘅. 你自己睇一睇, 中間推一推, 側邊撬一撬, 就可以拉到出嚟. 不過小心唔好拉斷.
3, 將發泡膠製嘅掩版小心拉落嚟
4, 發泡膠製掩版拆除後, 摩入去會有另一塊硬膠/ABS 膠製嘅活門掩版, 約 4cm x 25cm. 將掩版拉向乘客位向外一邊. 如果有困難, 可左右兩邊搖至鬆到之後再拉.
5, 推開活門後, 就可以將冷氣風隔拉落嚟
6, 將新嘅風隔原位推番上去, 掉轉以上步驟將兩個掩版固定及上番實
7, 開冷氣, 睇吓有冇問題. 冇嘅話一切正常, 就大功告成.
下面呢條 link 有示範. 雖然係用 VW Polo, 同埋螺絲有分別, 但大致上步驟同位置係差不多.
http://www.mann-hummel.com/mf_prodkata_all/einbau/HBWECzvWaUb.pdf

汽車冷氣多數無風隔，就算有都會是在前坐乘客腳部位置。如果發覺冷氣有氣味，我們多數是使用冷氣機糟清洗噴氣罐裝(在五金店舖有售)，在吹風口直接噴入冷氣糟內。
我個人就會用頭盔清洗噴霧(在有電單車用品店舖有售)，該泡沫無味及有殺菌能力(臭味是由細菌而來)，一定對人體無害。