印傭偷走合約、糧單、假紙，然後玩野去勞工處告返我地

我家個印傭係對上兩個星期日放完假之後，第二日[星期一]
就襯屋企得返一個行動不方便的婆婆係屋企時 離家出走
然後婆婆打電話話比我知，我即刻返屋企
發現平時放在櫃子裡 有關於該印傭的合約、糧單、放假紙等等都全部不見了，同時亦發現同存放在該櫃子的2000元現金也不見了
當事我好無助，因為我無做備分，當事我即刻打去agent公司，先知原來間agent公司已經無做，無其他証據support到我，好驚
咁我我惟有立刻去報警，警察上左黎 帶走左我原本裝著合約和其他文件的那file走，如果証據夠就可以告個印傭

之後我再去印傭平時住開間房搜下佢有無留咩
發覺佢竟然留底d自已個passport
問過d朋友 佢應該係偷完野 心虛趕住走 所以留底左passport
佢偷走之後的第三天，竟然自已報警和帶同差人上樓說我拘留了她的passport
然後我同該PC說我已經報了警佢偷左我文件 咁就叫佢地聯絡刑事部
當其中一位PC聯絡緊時，另一位PC就問我同印傭d野
佢問我印傭有無偷我錢同文件
當時我印傭就咁講：「我有偷佢文件，因為佢每月只比2200我，但簽就3580，所以我偷左!!!掉晒!!」
o個時我就諗 佢偷我文件應該就係想咁既目的…想屈我比少人工佢
仲有，可能當事佢以為偷文件無罪就咁講 而我地全層樓既人同那位PC都聽到
點知佢打左個電話，講晒印尼文，之後去到差館，就無再認偷過任何野
之後又因為掃唔到佢指模就無罪釋放，其實佢有心偷 都預左佢帶手套
但同佢相處左咁耐 真係唔知佢原來咁古惑
而當時個位PC都有質疑佢點解做左一年幾，放假時唔走去告，要特登掉低個婆婆先去告
(我諗大概係因為佢要偷走同儲夠足夠既料去屈我)
而我亦都有同刑事部講當時我同PC都聽到佢認偷野
但刑事部的人話 咁都無用 要上差館同法庭先當真正口供

仲有我諗返起 佢走之前的一個星期
突然說有事要跟我說 就叫我去房間單獨對話
一入去 佢話佢要今日放假
我就話 無可能 因為她剛剛才放完假
佢就死口話無 佢話:今個月佢無放過假
然就我就話:umum先出糧幾日 點樣呢個月呀？
佢: 咁我唔做啦 我賠錢啦 係咪2200呀？係咪呀?
我:好呀，聽日先去人民入境處搞啦
(因為當時係星期日)
講完後我先load到佢頭先問我個數有d怪
我就即刻問：「咩2200呀??係3580呀」
然後我見到佢隻手伸入褲襠好刺禁制

而家諗返起 唔知佢係咪特登做場戲 引我講呢d野 然後錄音
事關最近我收到佢去勞工處告我的信
佢告我 underpay,無比佢放足假,無舟車費(唔怪得之佢呢個月成日話搵唔到8達通，要我用現金買單程票，我諗佢都計劃左好耐先走)
總數加埋成40000元

我而家真係好委屈囉，一直以黎對佢都好好
帶佢去食自助餐、迪士尼、去旅行都預佢
每次佢放假仲會額外比錢佢出去買野
點知可能就係因為太信任同寵佢
又唔知佢原來咁有計劃對付我
而家見到佢同平時在家純情個樣唔同晒
著到好有飛女feel
仲調返轉頭話我對佢好差，鬧我痴線
真係好傷心 原來對印傭好反而被佢地蝦

我6月頭要上勞工處同佢傾
而家我無晒出糧証據，佢又好似特登錄我音
都唔知到時要點証明自已出足糧比佢
而家個file 得返上兩個工人的出糧資料
同埋只係出走既工人既櫃子裡找到兩張匯錢去印尼的單據同一大堆電話卡(証明佢有花費)

請問有無人有類似的經驗，我應該如何去面對，同多數後果會怎樣？
因為我聽說就算有証據，法官都會幫傭工，因為有工會的backup
但我真係好唔服 咁被人屈
希望大家可以教下我應該點做??