搞野要注意点咩?急急急~~~

你好!

其實我都答過好多呢類問題,可睇返過我記錄,但私底下電郵問我嘅比較多!

通常我都會問你地幾歲,係學生抑或就業!唔好誤會啊!並非查家宅!只想可更準確提供到意見比你地!若係學生!經濟方面可能負擔唔起或年齡上未合法,好多野都唔方便去做!

sex要注意嘅事實在多得很,避孕方法 / 氣氛前戲 / 衛生 / 事後處理 / 記錄 / 賽後檢討!無論心理生理都要注意!

什麼係妻之友?

處女問題
- 唔一定會有血流,但唔流亦唔代表佢唔係處女!
因為當女性做劇烈運動時(如踩單車),有機會於不知情下弄穿處女膜並流血,而可能女仔可能會誤以為經血!因此,並非人人都會有血!
- 如果係初次sex,應該唔只女仔會痛男生都會有機會!之前有朋友都問過我,有關女性分泌唔夠,令陰部太乾而好難進入!簡單有幾個原因
a) 女方覺得唔enjoy
b) 或性冷感
c) 佢都想做嘅,但因第一次,難免會緊張!例如怕懷孕之類!所以有人會用潤滑劑!由於第一次,可能陰道會比較窄!但前男友話,就算痛,都會係覺得正嘅痛,會好興奮!我成日講笑話:哼!男人真犯賤!
- 遇上此情況,或可試試溫柔點,多點前戲,比佢覺得感覺良好,或會有幫助
婦科問題
- 唔一定會,咁講法,豈不是周街女性下面都發炎?其實只要顧好衛生就ok!但女性比男性更易受細菌感染有原因!
必須注意,衛生
由於女仔生殖器官係內部嘅,男仔就外露!若污糟有細菌,女仔又係向內的!咁咪會up住晒,滋生細菌,如陰核陰唇發炎生粒粒!若發現女友白帶比較深色,好有機會係發炎,但唔駛怕,唔嚴重的,或許建議女性可買專清潔陰部之梘液清洗下體,因多數都係由男方感染女方
a) 口交,包括你去舔女友陰部,抑或女友幫你含,拜託先將清潔乾淨!試諗諗始終會有尿味!就算你或女友唔介意,但若愛鍚大家的話,都唔想對方忍受呢種’押’味吧!
b) 刷牙嗽口,因有時食左嘢,口腔仲殘餘好多食物,然後又揩落對方性器官上,超唔衛生啦!
c) 洗手以及剪指甲,呢點係最重要!比刷牙嗽口更重要,因你會將手指放入陰道內,好難清洗,易受感染!
所謂尿道炎,陰道炎,都因唔乾淨引致,如月經時唔勤換m巾,大小二便完,應由前抺到後,以免大便細菌揩到陰部!而手甲好易藏菌納污,太長的話,會刮損女方陰道,對方小便時會好痛,會勁乸!雖則三兩日就好,但無謂啦!
d) 現今大部份女仔都唔肯同男友口交,認為嘔心!所以要問清楚女友係咪真心願意,抑或唔敢唔知點拒絕你!所以局做!若為討好你而做的話,耐左可能會影響感情!真架!
e) 或許會怪怪咁,可能kiss到一半要暫停,先洗手再續!好破壞個氣氛,但為雙方著想,怪都冇計!
完事後
- 生理上,最好沖涼,咩躺平訓會冇B,冇根據
- 心理上,男生唔好倒頭大睡,至少攰都攬住女方訓,唔好比女方有種”當我鷄呀”(有d會咁諗)!
必須注意
A) 一定要寫低每次m幾號到,而完經又幾號!另外,幾時sex過,統統都要記錄,若女友大頭蝦,做男友嘅可代勞!有咩事都可追溯返!若於非安全期時sex,而又冇避孕, m又延遲的話,就要加倍注意喇!或許要買驗孕棒
B) 適當之賽後檢討係有須要,有咩唔好屈喺心!唔協調都幾大鑊,一定要彼此溝通良好,唔駛怕醜!係我經驗分享,因試過為左此問題而傷到大家感情,因誤會令大家心裡有條刺!知道時已太遲,就算為對方改過,個feel都已唔同晒!
C) 若於冇避孕情況下sex的話,唔好輕視,立即到藥房買事後藥!
安全措施
超多選擇,但要視乎sex密度,身體狀況(月經準時嗎)或金錢!但世上冇百分百,就算做足亦非代表安全,除非絕育!
1) 套(男性 / 女性)
2) 避孕藥或針(都細分幾種)
3) 事後丸
4) 安全期
5) 體外射精
6) 月經期間做
可以的話就做雙重,唔好以為好麻煩,非也,好簡單亦好安全,用套始終有種隔膜感!之前有朋友一直有用,但有時想試試唔用嘅感覺,但插左幾下後又驚有左,於是帶返再繼續,!講真,就算唔中招,咁攪法,乜mood都冇啦!我個人認為,sex係同自己最愛嘅人最close嘅時候,應該係好開心同好enjoy先啱,但因怕懷孕而攪到唔上唔落,唔嗲唔吊咁!真係冇癮兼無謂!
避孕方法之錯誤觀念
a) 事後丸
事前比事後補救更重要,加上未必一定有幫助,只係食左好過唔食姐!唔好旨意佢!
b) 安全期
一定要長期觀察同女方月經穩定先可!但就算m勁準,都唔建議!
c) 體外射精
多位婦科醫生解釋係:因唔肯定男方可否於喺射嗰刻,保證趕得切完全拔出,就算保證,都唔好咁做,因喺將近射之前都會有些分泌物,So就算趕得切都有機會中!

由於篇幅關係,不能詳細分析那種措施好,安全期等!或許用評論方法或電郵再續!若有咩唔明就歡迎你隨時電郵比我
[email protected]

Winnie Lee

PS : 見問題係簡體,咁繁體字睇得明嗎?我識睇識寫但唔識打!

唔想有bb帶套啦!!!咁簡單你都唔明??

如第一次多數有血流,看多或少,因為處女膜破了,就等於弄損皮膚一樣,妳話有冇血流呀,弄損左皮膚會不會痛呀,自己想想吧,在第一次冇血流,可能對方以前有過不小心弄破,例如;運動或受了撞擊都可以,雙方都要做,女方食避孕藥,男方帶避孕套,咁就是做足安全措施了,攪完就要注意清潔衛生,婦科病就是女性沒做好個人清潔衛生所引起的,如果清潔衛生做得好,妳尾後所講那些情形就不會有了....