我想香港法院的規則

1. 公眾可自由到法庭旁聽, 冇需要申請.
2. 公眾可自由到法庭旁聽, 冇需要d咩條件 (冇需要係案件中人的親友).
3. 可以
4. 可以. 6歲以上就可以內進.
5. 有分. 在高等法院及地方法院, 每個法庭門口都有個牌, 列明該案的旁聽分類:
"法庭聆訉(公開) / Open Court (Open to Public)" – 代表公眾人仕可自由入庭旁聽, 所有公眾人仕皆可旁聽.
"內庭聆訉(公開) / Chambers Hearing (Open to Public)" - 代表公眾人仕可自由入庭旁聽. 通常係處理一d法律上嘅程序問題. 公眾人仕亦可旁聽.
"内庭聆訉(非公開) / Chambers Hearing (Not Open to Public)" - 與案無關人仕(包括犯人家屬)不得入內通常係處理一d犯人嘅私人問題 (例如保釋申請). 與案無關人仕(包括犯人家屬)不得入內. 見到 “非公開” 就唔好入啦!
6. 注意事項:
非記者旁聽不可以筆錄, 不可以用錄音機或影相.
服飾: 法庭並無規定旁聽人仕的服裝. T-Shirt, 牛仔褲, 波鞋, 短褲, 人字拖都無問題. 好多法庭記者都係著牛仔褲波鞋. 但法庭始終係一個莊嚴地方, 著得整齊係代表對法庭嘅尊重, 亦係尊重自巳. 所以太暴露, 太標奇立異, 人字拖, 無袖阿伯底衫, 低胸超短裙就可免則免啦.
言行: 在庭内要保持肅靜, 唔好同朋友傾計. 唔准食嘢, 飲嘢, 睇書報同咬香口膠. 入法庭前要除帽口罩同黑超, 盡量唔好帶年幼小朋友到法庭. 記得要關上手提電話同call機(震機都唔得, 因會影響庭內的錄音裝置).
7. 你係可以中途進場 / 離場的. 但每次進場 / 離場記得向法官鞠躬. (其實唔鞠躬佢都唔得閒理你, 唔會話你蔑視法庭嘅. 但鞠個躬又唔阻你時間, 你去人屋企入屋 / 走前都講聲啦!)
P.S. 去之前可到以下網址查看各級法庭每日的案件審訉種類及時間, 有興趣先去聽:
http://www.judiciary .gov.hk/tc/crt_lists /daily_caulist.htm

2010-06-06 12:10:06 補充：
多謝師兄們指教關於做筆記. 小弟可能過時.

2010-06-06 12:11:23 補充：
但確實常見書記阻止旁聽者做筆記.

唔鞠躬唔會俾人告，但係係convention 羅
律師一定會鞠躬啦，常識黎

2010-05-23 01:56:17 補充：
雖無禁止筆錄，但做筆記最好講聲，如果唔係可能會俾人鬧

peterchan 知識長，關於做筆記，以往情況並不清楚，但法庭在2002年已定出做法

基於open justice principle的原則，法庭並不禁止public做筆記 ，公眾亦不須要取得approval

但視乎情況主審法官有權阻止, 舉例如懷疑筆記用作夾口供

行政安排方面，如果法庭書記發現有人take notes，會禮貌地查問，有疑問時會向主審法官取指示

我個人認為，公眾人仕如想take notes，在情況許可下都應儘量事先向書記單聲，咁做大家都會方便

2010-05-22 20:08:41 補充：
遵守法庭禮儀係個人修養，唔係一定要拉要鎖先會做的

我去聽審 見到有唔少律師 工作人員 出入都唔會 菊弓

唔會被人告吧@@ Edmond

1.去法院旁聽，是無需申請。
2.是不是親友沒有關係。
3.任何人也可入法庭旁聽。
4.可以。
5. 除了因某些原因法官已下令清堂審訊外，所有法庭都可以旁聽。
6. 旁聽者在法庭內不准錄音、拍攝、講手機，喧嘩，違犯者會被落案控告蔑視法庭罪。
7.審案期間 出入法庭，都要向法官鞠躬，否則也會被控蔑視法庭罪。