如果得罪左黑社會然後又入埋去座會唔會比人打死

咁應該點算好 ?

1) 備案 : 話受黑社會騷擾

2) 去旅行避一避

3) 去一個冇人搵到的地方

其實又吾系你朋友做錯事 , 駛咪坐監 ?

+ 更吾會比人打 !

吾駛甘驚 , 有咩事可以報警

你好!

我唔質疑你可信性,但有幾個point覺得有點怪怪同兒戲!

(一) 係你朋友親口話你知佢得罪左人?點得罪法?方便透露詳細嗎?
(二) 你個係咩朋友嚟架?你同佢好friend嗎?但你又話自己冇背景,點接觸到呢啲人?
(三) 至於衰左,可以避唔上庭嘅咩?仲話因此而唔駛坐監,佢同你講嗎?好荒謬囉!
(四)

基本上你依家好似啲電影情節般!咁戲劇性?我唔係唔信你,係唔信你朋友姐!你會否比佢呃?
- 其實我之前都有答過有關問題,自己亦曾認識過某些背景人士,但從未聽過有啲咁嘅嘢發生!我意思指,係,做二五仔係會被執行家法,係會比人斬,但現實中,真係好少呢啲事,如真係有,新聞都會播啦!但幾何聽過!
- 電影係好容易,成日郁啲就話要劈友,什至請殺手,但現實中,會唔會咁猖狂呢?當然唔會話完全否定!但機會少囉,況且就算真係劈友斬人,都係黑幫鬥爭,掙地盤而吹鷄開波,互相廝殺,但應該唔會為左一個人而咁做,因若比警方周到,又要搵啲人去頂罪(如老同),又要比錢比安家費之類!除非佢呢次二五二得好緊要好嚴重,否則點會浪費人力物力!
- 講真,若佢真係發生此情況,係嚴重得罪,如強姦人老婆,出賣社團或吞公款等等的話,佢依家應該冇可能仲同到你講,佢家陣被人追殺,皆因啲黑社會要去搵一個人又幾難吖!
- 同埋,若佢真係都係黑社會成員,佢冇可能唔知點做囉,正路依家已著左草啦!更加冇可能搵你呢個冇背景嘅人求救囉!
- 加上,最最最奇怪係因避開到,於上庭日唔駛上庭,因此而唔駛坐監,然後好似冇罪兼冇被警方通緝情況下,大模施樣喺街行並做到二五仔!
Anyways總係覺得太多疑點並且有點誇張,如電影般比黑白兩道追咁!不過,都係個人觀感而已,或許會係真事!然而作為一個稱職之回答者,都應該要依據你問題而去比答案你,儘管有點懷疑你被騙!

(1) 知你並非背景人士(從拖馬,幫拖呢啲用詞已睇出),但若佢係的話,可嘗試搵啲信任佢嘅高層,試試用講數之談判方式,睇下所謂嘅拆唔拆得掂!但要知道,若佢真係二五仔而且好大劑,係佢錯的話,咁就算玉皇大帝撐佢都冇用!
(2) 若佢唔係有背景人士,可嘗試報警,但你又話佢衰左冇上庭,因此,呢個辦法行唔通,學你話齋,入去坐死得仲慘,因你冇得避走唔甩,況且入面嘅人(如頂罪嗰啲老同)都唔爭在坐多幾年,殺佢都有之!
但我覺得,佢又衰左要上庭,又有機會得罪黑社會,應該都唔會係啲清白人吧!
(3) 所以,唯一辦法”著草”!現實真係有!約n年前,有條友成日於某地方打躉(唔識佢,但知佢係邊個)!有排唔見左人,聽人講,聽聞因欠所謂嗰啲大佬錢定唔知攪生意穿櫃桶底之類,而返左大陸避風頭!到家陣都冇見過佢!但基於佢冇犯法,因此可透過海關出境!但你朋友就可能要好似電影情節咁!要搵船搭路,但唔知現實有冇!also要匿幾耐亦唔定!
(4) 做咩都要三思,要知道著草唔同度假,可能隨時要搬竇,又唔知下一站會去邊道,所以最好預備彈藥,帶美金可能會比較穩陣!

總括而言,唔理佢係點,但若你自己冇背景,就唔好插手干預,始終你係正當人家!雖則話懷疑係咪真有其事,但穩陣啲好!唔係話冇義氣,什麼朋友有難唔幫手,但幫到啲咩?係朋友,佢應該醒目,唔好連累無辜啦!

有咩唔明,隨時電郵比我啦,希望以上資料可以幫到你啦!
[email protected]

Winnie

PS : 重申,以上所有都只係個人觀感而已!