有日有人打黎推銷中級課程(我係初級學員),不斷講一大堆野,又講得快,而我亦用冇錢同唔想讀黎推,佢就話你要捱埋佢, 我已經幫你安排好晒你未來2年課程,包你一定pass,人人都讀,sell初級都同你講過晒, (其實我鬼記得sell初級果個講過乜) 我為左快d收線都係"哦,哦哦"咁應佢, ,另外佢就話d錢都唔係我地收,係xx公司收,我都係做中間人,我遲d寄學費單俾你,你收到就自己去做分期,我以為收到學費單先自己決定俾唔俾,我就話好", 咁佢就話:咁我就寄去你屋企啦, 即係xxxx(我地址), 你用返初級果張信用卡啦, 尾果幾個宇係咩呀? 我話我冇帶卡, 佢就話:咁到時你收到學費單再睇啦
後尾我諗諗下唔對路,我真係唔想讀,同埋sell初級果個冇講過之後一定要讀中級, 覺得佢有誤導我,第二日打去話唔讀, 佢就話我已經同你整好晒d野,你捱埋佢啦,如果你唔想謮,我可以幫你諗下點搞
而家咁樣我係咪一定要讀?
其實我都冇好confirm咁講過"好啦,我讀", 不過我真係唔sure咁樣係咪"口頭承諾", 請高人指教
**我第二日check card ctr,佢話呢間公司已經hold左我1萬蚊,但我根本冇同佢verify信用卡no, 我係咪可以報警?
是否口頭承諾
2010-05-22 10:11 am
回答 (1)
2010-05-22 6:34 pm
✔ 最佳答案
係你既回答中, 的確有承諾到要個課程, 而呢的電話, 通常有錄音, 所以口頭承諾係有既.不過, 你亦都係跟住果日否決左, 呢個電話你有冇錄音? 若果無, 就要寫信 / 出 e-mail 再次作出否決, 以及通知銀行唔可以 hold 錢. (就算有都要寫信 / 出 e-mail)
呢個 sales, 當然只會講 "最好唔好", 因為少左份錢, 所 以你睇到佢既回答, 無話你已經簽左合約, 亦無話你犯左條例, 只係 "建議" 你去完成埋 ~
記住, 否決既 e-mail / 信件等, 一定要清楚寫明你既名 / 身份証及對方既名等, 以及必須堅持唔可以有過數呢的行動 (最好有埋對方既確認), 而銀行方面, 要打電話, 否則過左數就難攪.
p.s. 下次唔好咁答人啦, 如果你考慮中, 又想快的收線, 你簡單講 "我唔得閑, 請你遲的打黎 或 我考慮完先再比答案你, 而家唔可以答應你...跟住收線)
再 p.s. 如果呢個係股票 / 期旨果的 sales, 你而家可能已經無左一大筆錢..........@@
參考: 自己
收錄日期: 2021-04-29 17:51:32
原文連結 [永久失效]:
https://hk.answers.yahoo.com/question/index?qid=20100522000051KK00161