朋友授權我使用 他的信用卡. 有否犯法?

1. 唔可以! 你女朋友自願俾張信用卡你用, 甚至書面授權, 都無用. 信用卡 / 提款卡實際上係屬於銀行嘅財物, 並非屬於卡主 (你睇吓信用卡 / 提款卡背後d字仔就見到). 銀行只係授權卡主以信用卡作為工具去使用銀行借予卡主、屬於銀行嘅金錢 (信用額). 未經銀行同意, 卡主無權私自將此授權轉予別人 (俾張卡你用). 你無銀行授權, 而去使用銀行借予卡主嘅金錢, 即係無銀行同意而去用銀行d, 錢, 銀行可以告你盜竊, 係刑事罪行.
2. 唔係你女朋友知道你簽佢個名就無問題. 問題係商戶唔知你簽你女朋友個名. 你明知唔係你女朋友, 但簽佢個名, 即係刻意瞞騙商戶, 使佢相信你就係卡主, 即係行使假文件去訛騙商戶 (在此 “文件” 英文係 “instrument”, 包括信用卡). 即使你女友找數. 你仍係行使假文件. 如果你在單上簽你自己名, 商戶見簽名唔同, 可能報警. 就算過骨, 銀行見簽名唔同, 可以拒絕付款俾商戶. 咁你攞咗貨而商戶就收唔到錢, 商戶亦可能報警話你訛騙. 銀行見簽名唔同, 又會報警. 你無銀行同意而去用張卡, 查起上嚟, 警方一樣可以告你盜竊.
3. 無事無幹, 銀行係唔會阻止你咁做. 有簽賬就有 commission 收, 拖卡又有利息收. Why not?? 到商戶見卡主姓名係女人, 你係猛男一個 (我假設你係男人), 你估商戶會否報警?? 而家如果有商戶職員揭發到有人非法用卡而報警, 拉到人銀行會俾獎金$500俾個商戶職員. 拉唔到人但keep到張卡, 都有獎金$300! 查起上嚟, 你估銀行會否話你可以用佢張信用卡??
4. 都話唔係你女朋友自願 / 授權你用佢張信用卡就無罪咯. 佢根本無權去授權你用佢張信用卡. 你用佢張信用卡, 就係呃銀行 / 商戶, 點會唔係刑事??

2010-05-21 15:42:05 補充：
你提到 http://hk.knowledge.yahoo.com/question/question?qid=7010052000570
cecimak知識長並無講錯噃.

2010-05-21 15:44:56 補充：
答完先見到原來係 Andrew兄你. 等我重話 "... (我假設你係男人), ...", 失禮哂!