點去香港華仁書院呀?

旺角出發
搭MTR由旺角站去金鐘站, 車費成人八達通$9.5 學生八達通$4.8 車程約12分鐘。
到金鐘站用C1出口, 到地面轉右直行對60-70米於金鐘道93號金鐘花園/金鐘廊外巴士站搭城巴5S 或 城巴10號 車費成人$3.4 車程約10分鐘。落車地點: 皇后大道東聖若瑟小學外(即上車後第5個站落)
落車後向車尾方向上行人天橋就係通去香港華仁書院步行約1.5分鐘。
另外於金鐘巴士站仲可以搭城巴6/6A/6X 或新巴 15/66都可以車費貴D。
奧海城出發
搭MTR由奧運站去香港站 車費成人八達通$9.5 學生八達通$4.8 車程約10分鐘。
到香港站用C出口, 到地面轉左行約10米於德輔道中31- 37號中國聯合銀行大廈外(又即東亞銀行)巴士站搭城巴5S /10號, 車程約15分鐘到。 如果唔想搭巴士只搭MTR就要搭到灣仔站落車, 之後用A3出口出, 到地面先直行過馬路跟住轉左一路直行, 行約3-4分鐘會到一條叫 巴路士街 (你會見到一間樓上大家樂)轉右行入巴路士街後一路直行(期間會上少少斜路), 行到尾你會見到一條40-50級樓梯, 行上去會見到巴士站, 巴士站右邊有條行人天橋, 行上去就會通去香港華仁書院, 全程約行7-8分鐘。