想自己對學業唔好太執著

放鬆一下心情，例如深呼吸，吸一大淡氣再呼番出來

1) 可以用刺激的既治療法, 不過唔係人人都敢做.

你試下係一次測驗中 (唔會影響你學業既測驗, 例如小測), 故意寫錯答案, 令你唔合格.

咁樣, 你就會試到 "失敗" 既味道, 當你心態去到底線, 你既負擔就會少左, 因為你已經唔可以有 "完美" 既成績 ~

2) 另外, 可以改變自己既心態, 比如當你拎到好高分, 你同自己講, 高分既有太多人, 唔值得太高興, 只可以 "小高興", 成績唔好, 你就同自己講, "終於有一次成績差, 正, 真係要寫日記" , 提昇一下自己既心理方向

3) 建立自己既心理環境, 呢樣比較抽象, 我先舉例子, 你想像你處身於一個孤島, 你自己既成績得失成敗, 只係一個記錄, 並唔影響你將來, 而你讀書, 純粹為左享受吸收知識. 久而久之 你就覺讀書唔係為成績, 亦唔係為人地, 而單純加強對事物既認知 / 聯想, 咁你成績好自然會好.


而想讀書讀得好, 比少少建議你 : -

1) 成日問 "why", 比如, 你見到漢堡包, 你就問, 點解呢個漢堡包要賣呢個價錢? 而其他國家又係另一個價錢? 點解要賣咁貴? 點樣可以平的? 點解要買呢個生產商既貨? 點解你 / 人地會買 ? ................ 不斷咁問自己, 係問既過程, 你會覺得有疑問, 再搵答案, 久而久之, 你就知道, 世事方法流程都係差唔多, 正所謂一理通, 百理明, 咁當你遇到新問題時, 解決方面就快好多

2) 你每講一句話, 你就試下用英文講, 當你學熟左一個表達方法, 就要自己用 3 種表達方法

3) 數學方面, 你試下玩遊戲, 比如見到一個車牌, 你想下點樣砌到答案係 100, 成唔成功都唔緊要, 但你因為咁, 加減乘除會快好多


* 只要你做到呢的, 你成績一定有進步 ^^

去做你喜歡的事情，去放鬆自己。

e.g 打機，睇動畫，看書，大瞓一餐等等

等自己唔好成日掛住諗成績~ ~