月經是否早來早收經 ?

你好!

前日先啱啱答過類似問題!
唔知點解咁多人都會覺得,早嚟早收或有特定年期!
其實,係冇特定年數或期限!係冇標準,人人唔同!
唔會話嚟45年,所以12歲嚟57歲收!或16歲嚟就61歲收!

女性可分幾個階段
11 – 16 ~ 稱為發育期,少女期,月經初嚟
18 – 35 ~ 正值壯年,人生最美時期,適合懷孕
40 – 55 ~ 步入更年期,開始收經
(當60歲時,無論年紀樣貌身體機能,都已叫婆婆級)

例子
好似我阿嬸咁,佢同我叔成40歲才生左我堂哥,點知十幾年後,大約成56-58歲左右,竟然意外地懷孕了,生左我堂細佬,差不多成60歲有多先收經!
一般情況
但普遍正常嚟講,女性踏入更年期,一般都會開始收,大多數都係約45-55歲左右!
同時亦唔會話一收就收晒!
例如,女人大約45歲開始踏入更年期,會發覺由以前每個月嚟m,慢慢變成三個月先嚟一次,並且由以往嚟開7日,可能會減到3日就完!然後越來越少,直到慢慢收晒為止,通常須時一兩年!
情況尤如當初嚟經一般,通常頭一年都會唔準,三個月一次又有,半年先一次亦有!直到嚟多幾年,同埋人開始大,就會漸漸準時&穩定!
更年期
亦一樣因人而異,有啲40歲已開始,通常都會比較心情煩躁,悶,抑鬱之類,因此就有啲咩太太口服液(有冇睇過廣告)!
非一般情況
當然,有啲可能會更早,或者30歲,什至廿幾就停,但通常都係身體唔正常先會咁!多數都係子宮有問題!必須睇醫生
其實,一年先嚟幾次,都係唔正常,唔好以為係收經徵兆,所以先嚟咁少次,總之未到更年期而出現此情況,都應睇醫生!

總結
其實無論更年期或收經,都冇話梗死一個時間!都睇返你荷爾蒙同子宮健唔健康而言!仲有生活習慣等多方面因數!都會有影響!
舉個例,人老左聽力視力一定會衰退,對嗎?有啲老人家,可能70歲就要渣拐杖,但有啲就成80歲都依然健步如飛!同更年期或收經情況道理一樣!

以上資料,希望可以幫到你,若仲有咩唔明,歡迎隨時電郵比我!
[email protected]

Winnie Lee

2010-06-04 04:05:56 補充：
呢點唔清楚,亦冇乜點聽過!
但我估,要遲收經,首要條件子宮必須要健康啦!
身體所有器官都一樣會隨時間而慢慢衰退,如要肺好就咪食煙,肝好就咪飲酒!
同樣想子宮健康,都不離幾樣,如打子宮頸癌預防針或抺片檢查之類,亦可用中醫去調理,唔好墮胎,盡量自然分娩!總之預防勝於治療!另外自己身體狀況亦好重要!多做運動,均衡飲食!
恕我多口問句,想生bb嗎?推遲係咪担心40歲開始收經?但就算未收,都會較難同高齡產婦會危險!可試試打多卵針,但聽聞會因咩荷爾蒙定咩刺激得緊要而經痛到爆燈!

thanks !
咁有乜方法可推遲收經 期 ?
christine

收經係睇你個人既因素而定 唔會話來遲發育就遲收經的