✔ 最佳答案
我個人認為要點樣去解釋呢個問題,係要視乎你點樣睇朋友呢樣野,同埋你係點樣睇人同人既相處。
有D人會好灑脫,鍾意就做朋友,唔鍾意既時候就疏遠對方,甚至同人絕交;但有D人好重視人地既感受,會覺得雖然對方唔係好好,但係畢竟做左咁耐朋友,搞得太僵又唔好;有D人就會走下精面,表面上咪SOCIAL下對方,但係好多時候都避開同對方有更深入既發展。
睇左你對以上朋友既評價,我覺得你可以問自己以下幾個問題:
1. 你認為呢個朋友係屬於邊一類既朋友?
朋友可以分好多種,唔同人有唔同既標準。而我個人認為大致上都離唔開1. HELLO GOODBYE 2. TALK得幾句 3. 無聊會一齊玩 4. 有固定既聚會,會傾所有心事,肯互相遷就對方。
我覺得你同呢個FD係屬於第3類。雖然你地有時會互相講下心事,但係聽落好似係你聽佢講多過佢聽你講,再加上你試過想去遷就佢,但咁樣做反而令你自己覺得同佢做朋友好辛苦,再者你個朋友好似對你心靈上冇咩付出過,一段關係裡面,只有你個人去包容佢既時候,係好難再堅持落去。
如果你都認同我將你個朋友咁樣分類既話,我會建議你嘗試慢慢同佢疏遠。佢要約你出街時,你就話冇錢,屋企有事,或者你係度睇緊電視劇等等,盡量減少同佢相處既機會。其次,你要多D同其他FD一齊,等佢見到並FEEL到你唔係只有佢一個FD,或者佢會考慮返係咪自己有問題,改好左後你地以後都可以繼續有FD做。不過有D人係好識扮野,當你FEEL到佢明知你疏遠佢但仍扮唔知既話,你就真係要下定決心去遠離佢啦,因為係你面前扮野既人唔係你應該要識既朋友。
2. 除左佢之外,你有冇其他既好朋友?
以我個人之見,唔係好多人可以做到同個識左幾年既人直接絕交,因為前提係你係咪已經有一兩個FD到爆既朋友,如果有既話,我建議你不妨強硬D,同你而家呢個講清楚你自己既感受。佢接受,你地可以做返個GOODBYE FD。佢唔接受,你就當冇識過佢。因為你有左知己,其他呢D令你覺得反感既人,唔值得你花心思同時間去維繫同佢既關係。
3. 之後既日子,你係咪經常都會同佢有接觸?
我睇到你話同佢中1至5都係一齊,唔知你係咪岩岩今年中5?如果係既話,或者呢個就係一個好機會俾你疏遠佢啦。
再者,如果你黎緊幾年都係同佢同校既話,咁我會建議你唔好搞得太僵,畢竟之後都會日見夜見,下下見面面阻阻就唔好啦。但係如果要你自己心情好過D既話,你就真係要俾D SIGNAL對方,等對方FEEL到你唔係好想同佢FD落去。
最後,我只係想同你分享下我個人既經驗。
曾經有一段時間,我識左個朋友。開頭相處冇乜野,但係後來我發覺我唔鐘意佢時,我就開始少左主動同佢講野,就算佢同我講野,我都係隨便應兩句。有時太尷尬時,我就會扮忙,扮多野做,等對方知難而退。
後來,我呢個朋友都FEEL到我唔鐘意同佢相處得太親密,佢就冇再煩我啦。而家,我地見到面都冇乜野,都可以傾一兩句。
我會咁灑脫係因為我對我自己另一班FD好有信心,覺得即使冇左呢個FD,我起馬仲有佢地。再者,在心靈上,我覺得識朋友係重質好過重量。所以我通常都係好小心去選朋友。當然,咁樣做既話,你既社交圈子就會窄好多,因為咁樣做只會識到來來去去幾個朋友,其他人對你黎講係陌生人,而你對其他人黎講,同樣都係陌生人。
唔知你有冇諗過做邊行,如果係打算行商既話,你就要屈就下自己,去就你呢個朋友。呢個係商業社會需要既野。但係如果你係重視心靈交流既話,呢個朋友就唔值得你再花心思了。
畢竟,在你老左過身時,金錢和名利是你帶唔走的,你唯一可以帶走既,只有同你一生中愛過既人既回憶。
希望可以幫到你,好好思考一下吧。