男朋友番大陸

🕵🏻‍♂️ 探討台其他 - 社會科學

[匿名]

2010-05-17 11:00 am

我同男朋友拍拖九個月，但最近呢幾個月成日嘈交，都系因為佢番大陸按摩，因為佢既工作系會搞到腰酸骨痛，佢想減壓，但我好吾鐘意佢番大陸，我無吾鐘意佢按，我相信佢上去吾系搞三搞四，只系吾想佢成日上去甘危險！所以前幾個月我限住佢一個月只可去兩次，過左兩三個月之後，有一個月佢偷偷自己上左去吾話我知，當時緊系好嬲，之後佢就同我講真系好辛苦，好想去Relex，一個月三至四次！我地已經為左呢樣野吵過好多次，我好辛苦丫，無論咩方法都試過，話係香港按，佢話貴、話同佢做運動，又話平時番工打辛苦做吾少，我可以再點做丫？其實佢甘想去而我又吾俾佢去，系未吾岩？我應該可以點？我信任佢，佢無做對吾住我既事，但一星期一次，我真系接受吾到，我更接受吾到佢答應我做既一次又一次做吾到！可吾可以搵人幫我…我好吾開心，我地都吾想分手，但价值觀吾同又可以點？

更新1:

咁我者係未由得佢鐘意番就番??? 我好唔想..唔鐘意..但佢點樣都唔肯變應承過我好多次,話一個月2-3次最近什至話一星期一次,2-3次都已經唔鐘意仲要我去接受一星期一次, 哎~

更新2:

wan :問題唔係我唔俾佢去按,只係佢一開始應承我每個月兩次之後三次,最後依家係一星期一次呢同埋我唔係唔俾佢去,只係唔想佢去咁多者..

更新3:

taitai@:其實我一直都有咁樣覺得,難道結左婚都仍然係咁? 我無可能接受.. 拍拖都已經係咁..將來又會如何呢? 太愛他了.......豈能容易話分就分呢!!哎.. 而且佢屋企人都反對佢去

回答 (4)

deep

2010-05-18 6:25 am

不如你試下由妳去幫他"按" 吧, 如果他只係想relax 下, 咁其實可以由妳幫佢解決的, 但如果佢依然堅持要去內地先可以relax 到,

我諗咁真係佢的問題, 其實講真成日番上去按摩真係唔多好, 佢真係好似好沉迷, 如果唔分手其實真係無辦法, 我諗佢係唔會聽你話的, 即使你唔比佢去, 佢都會偷偷地去....

唔通第日結左婚都要成日番去按摩嗎, 到時你又會好擔心的, 如果唔分手的話, 呢個問題可以點解決?

👍 0 👎 0

wan

2010-05-17 7:49 pm

我問返你轉頭, 如果你切菜切到手痛, 要唔要人按一下? 係未你男友講句 "你一個月只可以按 2 次", 就算你隻手發炎都唔比按? 就算因為骨痛而訓都訓唔好, 都唔比?

無錯, 你覺得大陸危險 (無錯, 大陸有的地方的確危險, 不過都同香港一樣, 每個地方都有危險既地方), 但你又知唔知, 按摩場有車去關口接, 即係你出左關, 就坐車直去按摩場, 走果時, 又係按摩場直返關口, 咁我想問, 危險係邊度?

你如果以為你男友去攪攪震, 咁我無野講, 但而家真係因為身體問題要去按, 你都唔比, 就有問題.

你不如試一次, 同你男友一齊去啦, 講真, 價錢真係爭好遠...........

係香港, 要按正骨, 又要有水準既, 起碼 800蚊, 有的場, 連按腳都未必有, 如果計埋, 差唔多 1千一次.

而係大陸, 好多正骨場連小費, 都唔過 200蚊, 加埋車錢, 都係 250, 咁你話, 係邊度按好?

*** 不過, 都有一招可以解決哂所有問題既 ~ 就係, 你去學按摩, 等你每日都同男友按, 咁你男友又唔使上去, 又慳錢, 你地相處時間又多的 ~

參考: 自己

👍 0 👎 0

Siu Mui

2010-05-17 6:53 pm

意見不合又可以點啊,但你又好似好矛盾咁,相信佢唔係去搞三搞四,但又不放心佢,怕佢有危險,其實你會唔會諗得太多呢,接受呂到又唔想分手,你咁樣逼佢,始終佢同你分手,不如你咪諗咁多啦,試下順著佢意思做吧,有時女人又可以有得揀嗎?

👍 0 👎 0

[匿名]

2010-05-17 5:14 pm

深圳又唔系真系系甘黑暗，甘危險，自己小心D喔，不如你稳次试下同距两个去罗，甘你又放心D，两个人又可以倾下，点解你估甘反对，将心里面D野讲出黎。我同我老婆7年了，都唔知嘈交嘈过几多次啦，但事后讲返就无事。

參考: 自己

👍 0 👎 0

收錄日期: 2021-04-29 17:55:32
原文連結 [永久失效]:
https://hk.answers.yahoo.com/question/index?qid=20100517000051KK00177

檢視 Wayback Machine 備份