殮房助理問題 ~

✔ 最佳答案

你好!

其實我都唔係太清楚!但仍想試試幫你!

有冇睇過一套電影叫<<福伯>>?廖啟智做主角!題材係好真實,講述一啲殮房工作,所有殮房工作者都叫統稱做”福伯”!但忘了點解!
Anyways以下係我嘅睇法,唔知幫唔幫到你!

工作內容
幫屍體打包,
安排殮房內之雪櫃床位,
進行登記
協助家人認屍
檢察官驗屍

除了有勇氣外, 還要什麼資格?
我諗應該唔須要咩專業資格,不過會有好多行規同禁忌

是否不請女仔?
唔肯定!由於要搬運屍體,都須要有氣力,或許女仔會冇咁有力氣

當夜間會否得一個?
我諗夜班都唔會得一個人,尤其醫院值班,因隨時隨地每分每秒都有人過身!故此可能須要上病房協助醫護人員進行打包,以及將屍體送往殮房,而一個人力量有限,所以要兩人以上!

有沒有遇過奇怪的經驗?
由於唔識人,所以冇奇怪經驗,只係睇過一啲訪問,聽過從事殯儀行業嘅受訪者,佢地之story真係同電影情節差不多,當然唔係嗰啲好誇張啦!咩月圓變人狼嗰種!都係嗰啲生理反應,如屍體會流淚(因人體唔知咩反應,總之科學可解釋到,非什麼靈界事)!

我的睇法
1) 由於以前幫我麻麻同細叔攪身後事,由於我地家族有人過身,都會搵同一殯儀,所以同老闆算熟(真係大吉利是)!佢同我講,佢地好多行規!之前曾聽我爸爸同伯父同我講,做此行業嘅人,會斷六親,當然並非反面意思,而係逢有喜慶事,都不能參加,如親戚嫁女娶媳婦或壽宴等,一概不能出席與參加,因佢地經常都接觸死人,所以…!而之後我亦好大膽好唐突咁問對方(於細叔葬禮時),是否屬實,佢地話yes!
2) 另我前男友個契哥亦一樣做殯儀,負責抬官木,佢話自從做左嗰行,雙方少左聯絡,雖則大家廿幾歲後生仔,百無禁忌,也許係對方自我刻意避忌吧!但有次喺街撞到對方,男友話:”嘩!佢做左呢行兩年而已,塊面已經黑晒!”,唔係話對方撞到污糟野!但因經常都會去啲陰地方!所以人嘅氣息亦有唔同,即所謂面堂發黑之類啦!
而當時男友亦諗過入行,因人工好吸引,成兩三萬一個月!但我勸佢唔好,唔係怕啲乜,只因佢有陰陽眼,平時己經常撞到,佢又農曆十三(23:00)出世,所以盡量都唔想佢再接觸太多!
3) 我知一般人都會好抗拒做呢行嘅人,尤其中國人,始終都會有迷信觀念,我亦不例外!之不過,我對從事此行業嘅人(殯儀殮房)!實在萬分敬意,睇過個節目,訪問左仵鑿&殯儀老闆&死人化妝師,問佢地點解從事呢行,有冇靈異事件發生,驚唔驚,點解願意入行?
全部答案一致:””初時一定會有點驚,慢慢做落就習慣,唔驚,係因為個心一直本住為仙人服務,係幫對方,係存好心,人人都會死,當有日自己過身,你都希望自己遺體可得已安息,有人幫自己處理得妥當,所以,就算有鬼神之說,試問都唔會現身去嚇一啲幫助自己嘅人!加上老套講句,平生不作虧心事,行得正企得正,怕咩!個個都因怕而唔做,咁仲得了?””
佢地反而比啲行外人更深信”百無禁忌”此四字,雖則如此,但佢地每次做野之前,都會同屍體打聲招呼,講真你好!依家我地會幫你著壽衣或化妝等等!
好似上個月,我爸爸入左醫院,有日隔離床嘅伯伯過身,醫院即拉簾,待有關家屬見完遺體後,殮房員上嚟幫手打包,聽到佢話”伯伯過床喇!一二三起!”,而屍體推出時,殮房員就大叫”請各人唔好行出嚟並請回避!”
4) 睇完訪問,我覺得佢地好偉大,做此行業係積功德!認同嗎?唔知點解你會有咁嘅問題,但我覺得,嘗試以上咁諗,對仙人抱住尊敬嘅態度,可能會對此行業冇咁驚!

Anyways我已將我對呢方面(一切有關殮房殯儀)之認識統統同你分享了!雖知並唔係100%肯定,只係一啲個人意見!但都希望以上資料,可消除晒你對殮房工作者之疑問啦!
有咩問題,可隨時電郵我!
[email protected]

Winnie

回答 (2)