[急]小腿一粗一幼,是心臟病前兆?

你好!

我見大部份朋友都答””水腫唔會係心臟病先兆””!其實我都認同,不過有點保留,或者先講講我嘅經歷同情況
+++++++++++++++++++++++++++++++++++++++++++++++++++++++++++
我的經驗
我爸爸今年76yrs,於2009年除夕嗰日,因心臟病發,突然暈喺公園,被人打999 call白車送院,之後做左通波仔,之後又腦中風肺積水白內障!
但我爸爸70幾年嚟只睇過幾次醫生(傷風咳而已)!我冇誇張作大,我爸一直以嚟飲食都好健康!所以冇人會諗到點解會嚟得咁突然,完全冇人估到或任何先兆!
或因忽略左家族遺傳,整個李氏家族,個個唔係心臟病就中風爆血管!阿爺心臟病,麻麻中風,大表哥爆血管,孻叔心瓣外生!就連我五歲大嘅侄仔,都先天心瓣倒流,未滿月就被醫生於心口同腰側開左個大窿,做過好多次手術,行過多次鬼門關!唉!
BUT
奇怪地,出院前營養師講明一定要戒到好清,一粒鹽都唔得,但爸爸死都要乜都加豉油!
有日,我媽發現爸爸腳如豬蹄般(好腫),於是入返醫院,醫生檢查過,照晒腦素描等,都驗唔到有問題,一切正常!所以認為佢只係水腫,於是比左啲去水丸,鹽餅佢食,約兩日已消腫並批佢出院!
一星期唔夠又嚟,又入院,又查唔到問題!情況如上大,一直反覆n次,不停出入醫院!我問醫生點解,我爸爸雖有食豉油,但都係係咁意,量好少!
醫生話可能因做完通波仔,心臟開始變弱而引致,有別於正常人因攝取過多鹽份或減肥嗰隻水腫!
因此,一開波就話對此有保留!
+++++++++++++++++++++++++++++++++++++++++++++++++++++++++++
我的睇法
1) 知道以上有關我家人情況,同你所問之問題無關!但我想你知道,唔多唔少對於心臟病都有d經驗!
2) 心臟病係冇任何先兆,就算有先兆都唔會係腳腫!可能心口痛
3) 水腫有好多可能性 :
a) 食得過量鹹野,攝取過多鹽份
b) 月經前後
c) 臨訓前飲太多水
d) 通常人人訓醒覺,十個著九個都會有水腫,有啲人下午一點就消腫,有啲就夜晚8-9點(我就係)!因人而異!
e) 身體排毒機能有問題或警報
4) 當然,亦不能太輕視,如果腫得太離譜,如時間好長,成日都唔消腫的話,就要留意,好有機會係身體機能出現問題,係一個警報!例如(e),由於身體嘅毒素會透過汗水或小便排出體外,因此若積聚過多水份排唔出,即等如有好多毒素依然殘留於身體內排唔出!此時就要加倍留意,會否係腎功能出現問題呢!
5) 另外,雖BUT嗰段提及過醫生講明,心臟衰弱會影響水腫!但然而你依家都唔係太嚴重姐!因此都唔駛太過担心!
6) 至於你媽媽咁講,會唔會因家族中有人有心臟病而担心你會否有遺傳,所以先咁講?又或聽左啲坊間傳聞,道聽塗說而已?
7) 但上面嗰後BUT,
+++++++++++++++++++++++++++++++++++++++++++++++++++++++++++
我的建議
(一) 留意自己水腫時間,咩時候會腫,幾點會消退等,咁就知道會係咩原因!
(二) 臨訓前唔好飲太多水,減肥專家教落,若正常人每晚23:00訓覺,最好於19:00 過後就唔好再進食,22:00後就唔好再飲水,或者試下(十點後禁水)睇睇有冇好 轉!
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
***補充 :
我爸喺醫院期間,醫生除比去水丸佢食之外,每日亦限佢飲水份量!但要留意係每日唔可以超過1,500ml!當然佢情況同你唔同,你唔好話飲咁少,每日一定要有八杯水!
***注意 :
但必須緊記,人人都誤以為八杯之份量只係水,錯錯錯!除清水外,湯水+生果(唔係果汁,如橙,都有一定水份)+粥….etc一切流質都計!
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
(三) 若要食水腫丸,千萬唔好亂食,最好先問醫生意見!因為
a) 以前減肥都想過買嚟食,但開藥房嘅朋友,建議我唔好(唔肯賣比我)!
b) 我爸通波仔後,必須要長期服用某牌子心臟藥,但住院間,醫生換左另一隻比佢,原來有d心臟藥,同水腫藥不可同時進食,會有相沖!
因此,勸發問者同其他朋友唔好亂咁買嚟食!尤其係長期食開藥嘅人

你唔駛太驚,但平時都要小心留意身體!
以上資料,希望幫到你,依家會否多左一點了解?anyways若仲有咩唔明,歡迎隨時電郵比我!我會盡我所能幫你!
[email protected]

Winnie Lee

唔駛擔心 ! 你唔係有心臟病, 可能係你平時用慣咗一邊腳做重心腳咁企, 所以就會果只腳粗少少囉.

你多留意自己企既時候, 多用返35CM 果只腳嚟企就會好快平衡返架啦 !

1cm就唔係差好多
如果之前有邊腳整親過既話會咁都唔奇

但係如果差得多既
加埋如果有小腿痛心口痛氣促
就會驚係d血管有血塊
比如係d人搭長途機個d呀
就真係要睇醫生噃

小朋友你亞媽是否對醫學常識很豐富呀,定係聽其他人講呀,一些醫學常識都沒有,你這個情形怎會係心臟病呀,不要亂聽人家講而嚇自己啦,你是相對細1cm姐,肉眼都睇唔到啦,有些人很明顯既大細腿呀,咁佢咪個心臟好大問題囉,放心啦,,你什麼病都沒有...

2010-05-17 01:11:01 補充：
你亞媽完全冇醫學常識呀...