本人而家25歲,男仔,由2010年2月中開始,就發現右邊屁股果個位置有小小痛,不過果時因為我既職業係倉務送貨,要成日搬運15-30 kg既箱頭貨物,亦要經常蹲下和起身拎起果d貨物,所以有時亦都好怕會用腰力不當...後來我同d同事講起我屁股位置成日都好痛,有時仲要食消炎止痛藥先可以開到工.....不過我有2個年紀較大既同事都話佢地都係甘,佢地話呢d好正常,因為要成日重覆同一個動作,就可能會有小小發炎....所以就搞到我以為屁股果度只係發炎,所以就無點去理,亦都無點去睇醫生....
不過問題來了,因為過年果時公司好忙,搞到屁股越來越痛,日日都要食止痛藥先返到工,忍唔住去左去睇公立醫院醫生,醫生只係話發炎,就甘俾左d消炎藥我食.......然後又睇跌打,果d醫生話可能係肌肉勞損.........所以我就辭左位工留係屋企休息,不過到而家3個月了,都仲係痛....
到左前2個星期,唔知點解屁股忽然超痛,痛到行唔到路...連本身訓左係張床度,連起身既力都無(其實應該係屁股果個位太痛,有d麻痺)......以下係我呢排症狀,希望大家幫我手睇睇呢個係坐骨神經痛定係其他果d發炎??
p.s: 本人幫屁股和腰部照過3次x光,3次都話d骨無事!!!
同埋左邊屁股唔痛(以前唔知係咪受右邊d神經影響,間唔中會痛,不過而家完全唔痛)
1)行路果時,右邊屁股一時痛一時唔痛(就算痛都唔會好痛,如果食左止痛藥,基本上都唔會覺得點痛)
2)右邊大脾前面(接近陰徑陰毛果個位)行路果時一時時會痛,好似成日覺得有d野扯住扯住甘,[有個跌打醫生話係因為腰椎盤突出壓住左d神經,搞到呢個位痛,但係我上網睇左好多坐骨神經痛既資料,好似絕大部分都係腿後肌會痛,而見唔到前面會痛??]
3)2個星期前,條腰唔會覺得好易累,不過呢2個星期去佐敦一間中醫醫療所度俾一個所謂既教授針灸左幾次之後,近排發覺條腰好易累,就好似洗頭甘要彎小小腰都好易累[果個針灸醫生唔知係咪插得太入,搞到我針灸期間,隻右腳完全麻痺晒,條腰都立即覺得好易累,因為果時佢係我條腰插左幾針,係隻腳插左幾針,但隻左腳果時唔覺得有異狀,同埋佢亦都係我屁股最痛果個位插左一針,而且插得好入]
4)因為岩岩感完冒,所以有d咳,咳果時,屁股平時好痛果個位置,會特別痛,不過唔咳就無事....
5)無論我有無食止痛藥,訓覺果時,屁股都會好唔舒服....仰天而睡果時,條腰想放鬆,但係感覺到有d累,,,,,同埋唔知係咪壓住屁股訓,覺得屁股痛,隻右腳可以伸直訓,不過訓一陣之後,如果想動一動或者換另一個動作訓,就會好似無力甘,有d痺痛(其實我感覺隻腳無痛,只係因為受屁股果個痛位實在太痛影響,令我覺得係隻腳痛和無力),
p.s: 如果側睡既話,就唔會覺得隻腳痺痛,起身亦都唔會覺得屁股好痛....
6)仰睡訓醒之後,想起身既話,屁股果個痛位亦都會因為太痛而要慢慢起身,或者需要借助其他可以借力的物品而起身.....(例如床架)
7) 如果食左消炎止痛藥,訓覺果時屁股無甘痛,隻右腳亦都唔會覺得唔舒服,如果食左藥去行路,感覺屁股就好似無咩痛既感覺......
8)我在坐下的時間,都唔會覺得屁股痛或者其他神經痛....不過坐得太耐既話,想起身既時候,屁股果個位就會有d痺痛既感覺....
9)前幾日我係慈雲山睇左個跌打醫生,都幾出名的,年紀都好大,佢按左幾下我屁股痛果個位之後,然後佢再直接按左幾下我右邊腰椎盤果個位置,不過佢按得好大力,跟住佢問我痛唔痛,我就話好痛,跟住佢就好肯定甘同我講,係坐骨神經痛 - -, 不過佢果時真係按得好大力,同埋佢只係按右邊而唔按左邊,所以我比較唔到係咪2邊都一樣甘痛定係真係只有右邊先甘痛???我係佢度睇左3次,佢每次都話幫我將果塊突出來既軟骨推返入去,每次都整到我好痛,但係睇左3次,感覺效果一般般,好似無咩大作用,訓覺果時一樣甘痛,大脾前面果度仍然係有野係度扯住扯住甘....)
其實我之前都聰d醫生話,唸住當係坐骨神經痛甘醫,不過今朝去睇聖母醫院果時,果個老西醫話如果係坐骨神經痛,就會由屁股一直由腰後肌痛落去腳跟果d位.....但係我就一直都只係屁股果個位痛而已(不過近排就好似多左大脾前面局部位置一時時有扯住扯住的感覺)
希望大家可以幫幫我啦,我真係好驚......廣華醫院之前幫我照完x光之後話d骨正常,叫我去做物理治療,佢話我可能係坐骨神經痛,因為我果次去睇果時,唔知點解痛得特別厲害,痛到行都行唔到.....所以連佢幫我做身體肌肉測試果時都會有偏差??
希望大家可以以自己既見解俾d意見我啦,唔好copy文章,因為我近排都上網睇左好多關於坐骨神經痛既野,只係我唔敢肯定我自己既見解.....一千萬個thanks!!!!
更新1:
同埋d醫生幫我做檢查果時,佢地按我條腰,但我條腰係唔痛的,按我腰後肌果d位,亦都唔痛,就淨係只有屁股果度會痛....... 想順便請問下大家,如果真係坐骨神經痛,係咪真係會影響埋大脾前面好似有d扯住扯住甘既感覺ga?? 因為我主要都係屁股果度好痛,同埋大脾前面一時時會係行路果時扯住扯住甘痛.....其他位置基本上都唔覺得痺痛(除左條腰係呢排針灸完之後覺得好似好易累) thanks!!!
