將軍澳翠林村往浸會醫院最早最快咩乘車

如果搭唔到N293,搭頭班93A巴士(5:30寶琳開)落觀塘,協和街政府合署落車,然後跑上觀塘港鐵站搭6:00頭班列車往九龍塘(車程約18分鐘),再步行10分鐘到浸會醫院
最快當然搭的士,車程大約20-25分鐘,車費約$100(由翠林村往彩虹港鐵站需$55的士費推算)

方法一
第一程搭 九巴 N293 尚德 – 旺角東鐵路站 車費成人$14.7, 車程約30分鐘。尚德開3:30 – 5:30 每15分鐘一班。
上車地點: 寶琳北路翠林邨對面巴士站
落車地點: 太子道西377-377A號侯王道巴士站
落車後向車頭方向直行到交通燈位轉右過馬路去百佳超市果邊, 跟住轉左再過馬路(即聯合道), 之後於聯合道路口轉第二程車。
第二程搭 綠Van 13號 紅磡碼頭 – 廣播道(循環線) 車費成人$3.8, 車程約15分鐘, 頭班車紅磡碼頭開6:05。
同司機講廣播道路口落車, 跟住向車尾方向沿行人路行返出聯合道, 行約3分鐘可以到浸會醫院。
方法二
第一程都係搭 九巴 N293去到總站落車, 車程約35分鐘, 跟住搭港鐵由旺角東站去九龍塘站車費成人八達通$3.0, 車程約5分鐘。旺角東頭班車開 5:28。
到九龍塘站用A2出口出, 到地面直行到大街(即窩打老道)轉左, 一路直行到交通燈位轉右過馬路就去可以到浸會醫院, 步行約5-6分鐘。