1.舉例, 我搭的士, 我同司機傾傾下計, 個司機似開玩笑咁同我講: 琴晚訓唔著, 即係唔係叻學生啦! 叻既話洗乜緊張訓唔著呢!(個日係會考) 我可能份人比較認真, 實話實說, 我答: 唔係緊張..但我不嬲都失眠。但佢好像冇聽到我講野咁..重覆多次佢個觀點
我既感想: 呢類人我見唔少...即係講野冇邏輯個類..就上例來說, 其實佢地係咪同你開下玩笑, 帶動下氣氛? 還是點? 請解釋
2.例:上次我打波, 一個自稱8x歲阿伯, 兩個小學生,阿伯提議鬥波, 我話唔鬥..因為我就黎走人, 阿伯就話: 佢嫌你地太細個嚕。
我既感想: 我實情唔係嫌佢地太細, 但阿伯咁講, 好似老屈左我, 同上例一樣..又係講野冇邏輯, 佢地咩心理
3.例:有時d人講講下野突然好大聲咁似鬧你非鬧你, 係本身佢粗聲粗氣, 還是真係有d火? 佢地咩心理...
4.例:有時d人講野唔理人感受一句車埋黎, 例如我同街邊sell上網既傾計, 我同佢"au"價, 佢好似好唔妥咁話: 你唔好au喇! 我即刻唔開心, 係佢粗聲氣, 還是咩心理?
一黎我對人好敏感, 二黎我唔識同人相處, 我想知佢地咩心理, 佢地講野既出發點係怎樣, 理解後會讓我安心一些
to wan: 1. 係的士唔係巴士 其次, 佢既答案係武斷, 唔一定叻人就好訓, 佢咁係武斷, 真正有邏輯唔係宏觀, 唔係認唔認同既問題家陣...仲有我已經重申左我既觀點係失眠, 佢當聽唔到, 而家我講既只係事實, 事實係我係見過呢類人, 唔係咩睇唔睇低人既問題, 唔該搞清楚, 而我係想搞清楚呢類人既心理而黎 2. 第一, 激將法, 點解要激將法? 第二, 佢強加自己既觀點落我身上, 就係話我嫌佢地太細個, 事實我冇, d野係先好講, 唔係就唔好講, 講多錯多 4.錯錯錯...佢咁係冇禮貌, 佢係講緊" 你唔好au喇!!" 好似同你鬧架咁
你根本唔了解我..不過唔係你既錯, 山羊座就係咁難了解, 外人唔會明, 我對人係好寬容, 你唔了解我, 所以唔好話我不是, 如果真係要教訓我, 唔該了解左我先http://www.douban.com/group/topic/4611869/ 睇唔睇都由得你, 重要既係, 我係為左搞清楚人們既心理而來, 講笑, 我點知佢幾時係講笑, 幾時係講真, 事實上, 你呢類人係同我格格不入個類, 思想有太多不同, 唔係想得罪你, 但只係事實, 要我好似你咁回應, 根本就係有違大自然既定律...不過真係唔緊要, 你只要話我知d人咩心理就ok
我就係想知你呢類人咩心理, 知道左我會過得好d, 我想知點同你地相處
我發post既目的唔係黎發洩, 我係黎弄明白人們既心理, 來處理我既人際同心中一d疑問, 你只需要直接回答, 我唔係罵你的, 強調,我唔係罵你 點解d人要講d唔岩事實既野, 講野武斷, 我當然唔係要人好卑下對我, 只係大家應該要有種禮貌同尊重, 我覺得西方人對呢點係做到的, 但香港人對呢個意識好似唔夠強, 當然只係我既感覺, 西方人講野都唔會武斷的 所以, d人究竟點諗..............
呢類人我見唔少<~~~拜託....我意思係我見過好多呢類人, 在學校或電視或日常生活或明星, 只係唔同人有唔同性格, 唔好誤會我
to 天道總司: 唉你講得好岩呀, 尤其係(無意識中產生惡意 , 傷害到別人 , 但人總不會試圖反省這份惡意), 世界多數人都唔理人感受, 就算朋友都係咁話...香港人特別多, 我見其他地方的人比較好, 親身經驗 如果真係講得有道理, 有勸告之意又點話
回覆"意見" : 謝謝, 就憑兩位幾句說話, 我思想開導左d, 真性情大多情況的確會變多口, 一黎言者無心, 聽者有意, 二黎咩都講一定會得罪人, 樹大招風, 所以講野應該要有吩咐! 慎言是美德! 每人都應該要做到! 而中國人講野多為對方好, 我唔係太認同, 我覺得香港人講野唔會考慮過人地感受先(多數人), 自己鐘意講咩就講咩, 如果真係為對方好, 好多時都只係d客套說話!
覆"唔知" : 你既意見我好接受..我既眼界也因你開闊左d 我都唔知自己點解咁負面!....但我一見到d人就會好想諗負面..可能我被傷害過所以對人們既印象就係負面(?), 又或是我摩羯座的性格..天生就是如此, 天生是這樣..我也很想改, 卻難過移江山。我所講既香港人 , 的確係指香港的青少年, 但又唔見我鐘意講咩都得唔顧人感受?.....唔係歹匪想偷野就偷野...唔係兇徒想殺人就殺人。 其實我講既中國人=香港人..只係我表達能力差..呵呵, 令你誤解左。我返大陸, 大陸人比我既印象比香港人好! 佢地好有人情味, 我感覺到佢地內心很純潔忠厚。
口不擇言故然是壞, 客套話當然也不好, 但也不代表沒有其他說話方式..例如適當時候說適當話, 說話要由心, 但也不代表要說傷害人的話, 講真西方人在這方面表現不俗。我也很想看別人內心好的一面..可是在我腦海中充斥住過往別人對我既傷害..我也真的不知點樣表達我既內心你知! 講左咁多野都講唔中我既內心, 我也很想被別人了解, 可是往往都被人誤解! 我不開心既原因好多...你真的想知嗎? 有人開開心心的做人 , 有人愁眉苦臉的過活 , 究其原因都係諗法問題....諗法又被性格影響, 所以性格係影響最大
其實我也不是執著的..我只是在理解世界, 這會令我好過d, 如果你說什麼都不想才是好過, 那只係你既標準。我好希望你可以再講多d
可以這樣說, 我是在"淨化"緊負面的想法, 想理解它, 想從你地既大道理中得到領悟
也不知是否我的想法太深謀遠慮..而別人只是一聽就算...所以常有曲高和寡之感.......(唔係自讚, 別太敏感, 純粹內心感受)
岩岩先發覺..我不懂用文字/言語表達自己。另外, 我好喜歡大陸人的, 至少無香港人咁高調, 還有其他因素
to天道總司: 好的..但等我諗到先..可能也沒那麼快