咩係心臟鎚擊法?

✔ 最佳答案

Precordial thump
其實都唔係咩非常遠古既事黎既
依種手法目前已經唔建議醫療同救援人員使用
SO大家都係聽下就算唔好真係做噃
有咩後果我係唔會負責亦唔包生仔既

大概既做法係咁既
目擊有人突然心臟病發同時確定無心跳既話

握拳頭高舉用拳頭手指尾側軟既部份

瞄準胸骨（心口中間個舊硬野）位置以最快最大力既速度打落去
最多只可以打兩次都唔得就要做番CPR

佢既原理係利用拳頭鎚擊既力既能量
代替去纖顫機電擊既力量
嘗試將唔正常既心跳打走
令心電重新發動希望變成正常心跳

依種手法只係被證明目擊心臟病發1分鐘內施行先有用
因為心跳驟停好多時都係因為心跳唔正常先引起
越早既去纖顫心跳回復成功機會越高

最近我搓人個個CASE
出現可以電得既VT都只係持續左10秒唔夠
電都未叉完就冇左變番條線要即刻搓番
可想而知其實唔係咩CASE都係電得既

如果係唔知心跳停左幾耐既

都係一邊做CPR一邊報警

一邊等AED機（救心機/自動去纖顫機）有用得多
因為AED機會自己分析心律係電得定唔電得

但係依種手法有好多唔好處
包括佢所產生既能量其實好細
（大約只得目前電擊所產生能量建議值既1-5%）
唔係咁足以產生去纖顫既效果

同時唔正確既手法只係會打傷人打斷肋骨
加上佢睇落去既手法實在係同打人分別唔大
就算係為左幫人咁樣比家人睇到要解釋都一匹布咁長
而呢種目前算係非正統既手法如果誤傷他人
實在好難講會唔會有法律問題既出現
要救人既話都係報警老老實實做下CPR用下AED就算啦

回答 (2)