公屋加人問題送20點

✔ 最佳答案

你好!

其實本人對於有關公屋轉名及法例等問題並唔熟悉,但見你所講嘅情況同我前男友嘅case有點相似!因此想試試同你分享!給你作參考!唔知幫唔幫到你!

我的睇法
雖則唔清楚房屋條例,但我認為
- 既然社署亦已接受孫兒為家庭組合,並且發三人份之援助金,即係政府肯承認啦,連社署都批的話,就更易辦事啦!最重要係連房署嘅條件<孫兒雙親是非本港居民>都付合埋!一定ok啦!
- 其實政府都係怕啲人欺詐,怕個細路其實係有人供養,或明明唔係一齊住,但依然申報埋,因越多人名間屋亦越大,所以先會咁嚴謹,並且會有家訪!
- 至於監謢人之定義,或條件係點就唔太清楚,不過,若孫兒一切事情簽署決定權以及日常生活照顧同供養都由祖父母負責的話,假使咁都唔算監謢人嘅話,呢個世上都冇監謢人吧!

其實,我都幫你搵左啲資料,但我唔想copy其他人答案咁冇品!所以我將之綜合左再分析為幾個重點 :
有關申請公屋
a) 未夠18歲者,必須與父母或合法監護人一同申請
b) 申請人與其他家庭成員的關係必須為 : 夫婦 / 父母 / 子女 / 祖父母孫 / 未婚兄弟姊妹 / 或願意與申請人共住並倚靠其供養的親屬
c) 配屋時申請書內至少一半家庭成員必須於香港住滿七年並仍在港居住,18歲以下子女在以下情況一律視作已符合七年居港年期規定
i) 不論在何處出生,只要父母其中一人居港滿七年
ii) 在香港出生並已確立香港永久性居民身份
何謂監謢人
1) 只要年滿香港法律合法年齡(21歲)就可以宣誓做監護人
2) 分兩種,一個人可以同時做晒兩種
a) 為喪失行為能力者的生活監護人
為喪失行為能力者做生活監護人,有義務及權力去提供受監護人衣食醫療照顧及居住
b) 財產監護人
有責任及權力去管理被監護者的財務
3) 誰可以做監護人
a) 此人的配偶
b) 此人的最親近的親屬
c) 任何具備以上必要條件而又最適當成為監護人者
4) 一般申請須知
a) 民政事務署辦理申請並宣誓
b) 有人話要排期,有人話唔駛,並安排即日攪掂,因一日有幾次宣誓時間!
c) 宣誓一定要父/母其中一方簽名作實,將監護權轉讓俾宣誓人
d) 父/母其中一方身份証,宣誓人身份証,小朋友出世証明文件
我諗申請同加名之條件都一樣吧!綜觀以上種種,橫睇掂睇你所講嘅情況都合乎上述條件!雖則父母並非香港公民,但祖父母係就得啦!

參考例子
簡稱前男友做Y
- Y今年29歲,父母係香港人,於Y兩歲時離婚,爸爸去左日本定居再婚落地生根,十年唔回港一次,亦冇寄錢回來!而媽媽就返左外家,之後亦有再婚,但多年來都冇見面亦冇溝通對話(聽聞有人從中阻撓)直到Y17歲先見返!
- 基本上,屋主登記人係Y阿爺阿麻同爸叔姑姐等!而婚後仍冇搬走,直到去日本而被除名,之後,隨著各姑姐阿叔結婚遷出!最後屋主只剩祖父母,姑姐,細叔而已!由出世起,Y同佢哥一直住嗰道!並由祖父母湊大
- 當時,祖父母已退休,並由仔女供養!Y同佢哥一樣,由姑姐對佢地供書教學!
- 由於屋冇兩兄弟嘅名,所以每年都要去房屋署宣誓,唔記得實際叫咩名,總之宣誓意思係,証明佢係孫,冇父母供養並被父母拋棄,所以就以”搭住”形式,容許佢繼續於冇名情況下,仍可免費居住喺該公屋!好似話18歲為止!但佢18歲後依然繼續住並往房屋署宣誓,但內容變左,係宣誓未有工作,經濟上無法自立!但佢哥18已搬走!
忘了係佢姑姐(出錢養佢嗰位)抑或祖母先係Y監護人,但個情況同你所講嘅差唔多!父母唔在HK,由出世至今同祖父母生活,唔駛咩文件都可証明到祖父母係監護人啦!對嗎?

然而加名手續唔清楚,或者先去民政署宣誓左做監護人,然後再去房屋署查詢吧!因照計小朋友今年4歲而已,唔知同18歲之屋主會否有分別!

暫時嚟講,只可幫到你呢道!唔好意思呀!若認為對你冇幫助的話!希望唔好介意!如有問題,可隨時電郵我架!
[email protected]

Winnie Lee

公屋加人問題 送20點

回答 (2)